Музыкант Энтони Станко менен The Crucial Elements тобу бишкектиктер үчүн джаз музыкасын ойноп берүү үчүн Кыргызстанга экинчи жолу келип жатышат.
Джазмендердин айтымдарында, бул алардын Кыргызстандагы экинчи өнөр көрсөтүүлөрү — алар алгач Бишкекте апрелде өткөн жазгы джаз фестивалында ойношкон.
«[4-июлда АКШнын элчилигиндеги] Көз карандысыздык күнү белгиленгенден кийин биз Ысык-Көлгө — Чолпон-Ата менен Караколго бардык, бир аз саякаттап, кооз ландшафттарды, туптунук дарыяларды көрдүк, эми кайрадан Бишкекке келдик», — деп билдиришти музыканттар.
Энтони Станко — америкалык кернейчи (трубач) жана композитор. Ал The Crucial Elements джаз ансамблин жетектейт — анда Станкодон сырткары дагы төрт киши ойнойт: Маркус Эллиот (саксофон), Пол Братчер (пианино), Сэм Копперман (бас) жана Жодан Отто (добулбас).
Текст: Эмиль Джуманов