Дүйнөлүк көчмөндөр оюндарынын (ДКО) биринчи күч сынашуу күнү Орусиянын медалдык эсепте лидерлиги менен башталды — 10 алтын байге. Кыргызстан азырынча бир алтын медалдын ээси, бирок сыйлыктардын саны боюнча биринчи орунда.
Медалдык эсеп: Орусия биринчи орунда
Жалпы медалдык эсепте Орусия алдыда, анын артынан Казакстан, а үчүнчү орунда болсо Грузия келе жатат.
Биринчи алтынды Кыргызстан таяк тартышуудан жеңип алды
Ольга Шайнурова Көчмөндөр оюндарынан Кыргызстанга биринчи алтын медалды алып келди. 85 килограммга чейинки салмакта финалда Өзбекстандын спортчусу Олеся Гурееваны жеңип алды.
Таяк тартыш – Дүйнөдөгү көптөгөн элдердин улуттук оюндарынын катарында кандайдыр бир нерсени тартуу (таяк, камчы, тери, тактай, найза, аркан) сыяктуу салттуу оюндары болгон. Мисалы: Якут элинде – мас-рестлинг, кыргыздарда – таяк тартыш, түрк элинде – жыгач күрөш, англисче вариантында болсо - stick pull деп айтылууда. Мас-рестлингде атаандаштар бири-бирине бет маңдай болуп, кырынан коюлган тактайга буттарын тиреп, бир таякты экөө эки жагынан эки колдоп кармап отурушат. Спортчу таякты атаандашынын колунан сууруп алса же аны таяк менен кошо өзүн көздөй тарта алса жеңүүчү болуп эсептелет. Кармашуу бир балбан эки жолу жеңип кеткичекти уланат. Бир раунд 2 мүнөткө созулат.
300 боз үй тигилген «Кыргыз айылы» этношаарчасы
Кырчын жайлоосунда боз үйлөрдөн этношаарча ачылды. Расмий түрдө анда 288 боз үй тигилген, бирок Kloop.kgнин кабарчысы маалымдагандай, көчмөн үйүнүн саны андан да көр — боз үйдү уюштуруучулар эле эмес, Оюндардын коноктору жана көрүүчүлөрү да орнотууда.
«Кыргыз айылы» этношаарчасы Бишкек жана Ош шаарлары, андан сырткары Кыргыз Республикасынын жети облусунун атынан тигилген тогуз конуштан турат, ар биринде 25тен боз үй бар.
Шаарчанын ачылышы «Көчмөндөр ааламы» фестивалы менен коштолду.
Түркия Кыргызстан менен боло турган беттешке кечигип калды
Түркия курамасы көк бөрү боюнча матчка барбай калып, техникалык жеңилүүгө дуушар болду. Матчка алар кечигип калышкан. Түрк спортчулары Чолпон-Атага убагында келе алышкан эмес.
Оюндардын басма сөз борборунан Түркиянын курамасы эртеңки оюнга сөзсүз келип катышаарын убадалашты.
Оюндар үчүн 15 килограммдык нандар бышырылган
«Көчмөндөр ааламы» фестивалында Оштон келген Базаркүл Мамырова өзү даярдаган 15 килограммдык нандарды көрсөттү.
Андан сырткары ал «өзгөчө рецепти» менен нандын 40тай түрүн бышырып келген.
Оюндардагы биринчи жаракат алуу
Театралдаштырылган көрсөтүүнүн катышуучусу куймулчагын сындырып алды. Эркек киши улуттук оюндар убагында жабыркап, ага медициналык жардам көрсөтүлдү. Дарыгерлер белгилегендей, анын ден-соолугу начарлап кете турган болсо, Чолпон-Атадагы ооруканага жеткрилимекчи.
Кырчындагы коопсуздукту 600дөн ашуун милиционер камсыздоодо
Оюндарда коопсуздук үчүн өзгөчө көңүл бурулган. Кырчындын өзүндө эле тартипти 600дөн ашуун милиционер көзөмөлдөөдө.
Kloop.kgнин редактору Дмитрий Мотинов Көчмөндөр оюндарындагы коопсуздук жагдайлары жана милиция топтору боюнча кеңири баяндап берген.
Сүрөт: Света Зеленская и Дмитрий Мотинов