Түндүк Каролинада баш аламандык башталды — анын себеби полиция тарабынан афроамерикалыктын өлтүрүлүүсү болду. Өлкө өкмөтү шаарда өзгөчө кырдаал режимин киргизип, ал жакка Улуттук гвардияны койду.
Шарлот шаарынын тургундары «полициянын чектен чыгуусуна» каршы нараазычылык акциясына чыгышкан. Буга шейшемби күнү полиция тарабынан кара терилүү Кейт Лаймонта Скоттанын өлтүрүлүшү себеп болду.
Нараазычылык акциясынын жүрүшүндө, түрдүү расанын өкүлдөрү жаракат алышып, эки афроамерикалыктар өлтүрүлдү. Нараазычылык акциясына чыккандар, полиция «кара терилүү адамдарды оңойлук менен өлтүрүп» жатканына нараазычылыгын айтышууда.
Акциянын катышуучулары дүкөндөрдүн витриналарын сындырып, талап-тоноочулук кылышкан. Шарлоттогу ири компаниялар кызматкерлерин алардын коопсуздугу үчүн жумушка чыкпай турууну өтүнүшкөн.
Мамлекеттин Улуттук гвардиясы 22-сентябрь күнү эрте менен келишти. Алардын негизги жумушу — жергиликтүү полицияга жардам берип, козголоңчуларды токтотуу. Шаардын мэри Женнифер Робертс шаарда өзгөчө кырдаал режимин киргизди. Өзгөчө кырдаал жарыяланды.
Козголоңдун жүрүшүндө, төрт полиция кызматкери жабыркады. Акцияны токтотууда полиция жаш чыгаруучу газ колдонууда.
Нараазычылык акциясынын катышуучусу Глория Мериветер бир өлтүрүүнүн күбөсү болгонун айтат. Анын айтуусунда, козголоңчулар куралсыз болгон. Аларды жаш чыгаруучу газ менен ууландырып, полиция бир адамды башына атып өлтүргөн. Катышуучуларга өлгөн адамга жакындоого уруксат берилген эмес, алар анын канга боёлгон жансыз денесин гана карап турушканын айтышат.
Окуянын күбөсү Райан Жеймстин айтуусунда, жарандар да ок атышкан. Ал ок чыгарган адамды өз көзү менен көргөн.
Нараазычылык акциясында журналисттер да жабыркашкан. WCNC-TVнын репортёру ооруканага жеткирилген, ал эми CCNдин журналисти түз эфир жүрүп жаткан учурда жерге жыгылган.
Кейт Лаймонт Скотт үйүнүн жанында, унаа токтотуучу жайда атып өлтүрүлгөн. Полициянын айтуусунда, ал куралчан чыккан. Курман болгон кишинин үй-бүлөсүнүн билдирүүсүндө, өлтүрүлгөн адамдын колунда курал эмес, китеп болгон.
WCNC телеканалы өлтүрүлгөн адамдын жанында курал жатканын тастыктаган видео тасманы көрсөттү. Полициянын башчысы Керра Путнинин айтуусунда, өлтүрүү расалык маселеге тиешелүү эмес. Аны өлтүргөн полиция кызматкери да кара терилүү экенин айткан.
Кейт Лаймонт Скоттанын жубайы козголоңчуларды артка чегинүүгө чакырган.
Главное фото: www.theglobeandmail.com