Айсулуу Тыныбекова, Арсен Эралиев жана Эламан Догдурбек уулу Эл аралык спорттук күрөш федерациясынын алдыңкы 5 ордун ээледи. Дагы беш кыргызстандык алдыңкы 20 балбандын арасынан орун алды.
«Иван Ярыгин-2017» гран-присинин жеңүүчүсү Айсулуу Тыныбекова Эл аралык спорттук күрөш федерациясынын UWW (United World Wrestling) — Күрөш бириккен дүйнөсүнүн жаңыртылган рейтингинде 5-орунду алды.
Риодогу Олимпиада оюндарында Тыныбекова коло медаль үчүн күрөштө утулуп калып, 5-орунга ээ болгон.
Өз салмак категориясында (59 кг чейин) грек-рим күрөшү боюнча балбан Арсен Эралиев да 5-орун алды. Риодогу Олимпиада оюндарында Эралиев коло медаль үчүн күрөшкө жеткен, бирок Өзбекстандан келген балбандан утулуп калып, оюнду 5-орун менен аяктаган.
Ошол эле салмак категориясында азыркы Азия чемпиону жана студенттер арасындагы дүйнө чемпиону Каныбек Жолчубеков 10-орунду ээледи.
Грек-рим стилиндеги күрөштүн дүйнөлүк рейтингине Руслан Царев (71 кг чейин) — 15-орун менен, Мурат Рамонов (130 кг чейин) — 15-орун менен жана студенттер арасындагы дүйнө чемпиону Эсен Асанов (75 кг чейин) — 20-орун менен кирди.
Эркин күрөш боюнча рейтингде 79 кг чейинки салмакта Венгриядагы дүйнө чемпионатынын коло медалынын ээси болгон Эламан Догдурбек уулу 4-орунду ээледи.
Ал эми 97 кг салмакка чейинки категорияда Азия чемионатынын коло медалынын ээси Магомед Мусаев 11-орунга татыды.
Рейтингде негизинен Орусиянын балбандары көп. Тагыраак айтканда, дүйнөлүк рейтингдеги ар бир төртүнчү балбан орусиялык.
ТЕМА БОЮНЧА:
- Айсулуу Тыныбекова «Иван Ярыгин — 2017» эл аралык турниринин алтын медалын жеңип алды
- Кыргыз спортчулары кышкы Универсиадага форма жана керек-жарактарсыз узатылды
- Кыргызстандын экс-ИИМ жетекчиси Турганбаев ардагерлер арасындагы эркин күрөш боюнча дүйнөлүк чемпионатта колого ээ болду