Бишкек мэриясы жол кырсыгын алдын алуу жана айдоочулардын коопсуздугун сактоо үчүн Тынчтык проспектине темир-бетон тосмолорду орнотот.
«Бишкекасфальтсервис» муниципалдык ишканасы Тынчтык проспектине металл жана темир-бетон тосмолорду орнотуп, проспектти бойлой жолдун эки жагындагы арыктарды оңдойт.
Жумушчулар жолдун ортосуна кооздук иретинде тигилген гүлдөрдү алып салышты. Көпүрөнүн астында 90 темир-бетон тосмо орнотулмакчы.
«Тосмолор айдоочулардын коопсуздугун жана жол-транспорт кырсыктарын алдын алуу үчүн орнотулууда», — деп кабарлашты мэриядан.
Ошондой эле, алдыдагы сугат сезонуна карата Жибек Жолу проспектинен мамлекеттик резиденцияга чейинки арыктар оңдолуп, жаңылары коюлат.
Бул аймактагы жумуштар февралдын аягына чейин бүткөрүлөт.
ТЕМА БОЮНЧА:
- Сүрөт: Бишкек-Торугарт жолунда үч машина кырсыкка кабылды. Жабыркагандар бар
- Жүк ташуучу автоунаанын айдоочусу Орусия элчилигинин автоунаасы менен кагылышуудан көз жумду
- Бишкек: ВДНХнын жанындагы автокырсыктан үч жигит мүрт кетти