Орусиянын Салехард шаарындагы өрттөн Кыргызстандын жараны курман болду, дагы эки кыргызстандык шаардык ооруканага жеткирилди.
Орусиянын Тергөө комитетинин Ямало-Ненецк автоном аймагы боюнча бөлүмү Салехардда 9-апрелде болгон өрттө Кыргызстандын жараны курман болуп, дагы эки кыргызстандык жаран ооруканага жеткирилгенин кабарлады.
Баштапкы маалыматтар боюнча, турак үйдөгү от газ баллондун бузулганынан улам чыккан.
Тергөөчүлөр курман болгон кишинин жана жабыркаган эки адамдын өздүгүн аныкташты, алар жергиликтүү «Ямата» фирмасында иштеп жүрүшкөн.
Тергөө комитети окуянын чоо-жайын иликтеп жатат.
Сүрөт иллюстративдик мүнөздө
ТЕМА БОЮНЧА:
- Москвадагы 14 кыз-келиндин өмүрүн алган өрт боюнча иликтөө аяктап иш сотко өттү
- Кыргызстандык 14 кыз-келиндин өрттөн курман болушу: Типографиянын ээси 6 миллион рубль штрафка жыгылды
- Москва: 14 кыргызстандык кыз-келиндердин өмүрүн алган өрт тууралуу эмнелер белгилүү?