Бишкекте 13-апрелден 15-апрелге чейин Жогорку Евразия экономикалык кеңешинин жана ЖККУга кирген мамлекеттердин башчыларынын жолугушуусунун айынан шаардын борбордук көчөлөрү жабылат.
Бишкектин Кайгуул милиция башкармалыгы шаардын борбордук көчөлөрү 13-апрелде жабылаарын кабарлады. Бирок милиция жолдор качан жабылаарын жана көчөлөрдүн кыймыл жүрбөй турган кесиндилерин айткан жок.
Жабыла турган жолдор:
- Жибек Жолу проспекти;
- Чүй проспекти ;
- Чыңгыз Айтматов проспекти;
- Манас проспекти;
- Абдрахманов (мурдагы Совет) көчөсү;
- Байтик Баатыр көчөсү;
- Фучик көчөсү.
Бишкекке келген мамлекет башчыларынын жүрүш багыты коопсуздук үчүн улам алмашып турат.
Кайгуул милициясы көрүлгөн чараларга түшүнүү менен мамиле кылып, алдын-ала башка багыттарды тандап алууну өтүнөт.
Бишкекте 14-апрелде Жогорку Евразия экономикалык кеңешинин отуруму жана Жамааттык коопсуздук келишим уюмуна мүчө болгон мамлекеттердин башчыларынын бейформал отуруму болот. Иш-чаралар мамлекеттик «Ала-Арча» резиденциясында өткөрүлөт.
Сүрөт иллюстративдик мүнөздө