Кыргызстандын Евразия Экономикалык Биримдигине аралашуусуна жардам иретинде 100 миллион доллар бөлүндү. Берилген жардам өлкөнүн бажы өткөрмө пункттарын, санитардык жана ветеринардык системаларын жакшыртууга жумшалат.
Жардам бара-бара, өкмөт аралык протоколдорго ылайык, акча, окутуу же товар түрүндө берилет.
Казакстандын экономика министри Тимур Сулеймановдун айтымында, биринчи транш Кыргызстанга 41 миллион доллар менен келет. Алынган транш төмөнкүдөй бөлүнөт:
- Бажы өткөрмө пункттарын жайланыштыруу — 3 миллион доллар;
- Лабораторияларды жаңылоо — 5,6 миллион доллар;
- Транспорт жаатындагы лабораториялар — 577 миң доллар;
- Өрткө каршы лабораториялар — 749 миң доллар;
- Саламаттык сактоо министрлигинин алдындагы сыноочу лабораториялар — 1,8 миллион доллар;
- Санитардык-карантин пункттары — 5 миллион доллар;
- Ветеринардык жана фитосанитардык өткөрмө пункттары — 22 миллион доллар.
Кыргызстан каражаттарды максатка ылайык пайдаланып, чыгаша тууралуу маалымат берүүгө милдеттүү.
ТЕМА БОЮНЧА:
- Казакстандын ТИМи 2010-жылдагы революциядан кийин Казакстан тараптан коюлган «блокада» тууралуу Атамбаевдин айтканына макул эмес
- Казакстан Кыргызстанга эт менен сүттү транспорттун бардык түрү менен ташып өтүүгө уруксат берди
- Казакстан Кыргызстандан Орусияга бараткан темир жол транзити үчүн тарифти азайтты