Жогорку Кеңештин спикери Чыныбай Турсунбеков өз кызматынан кетип жатканын билдирди. Бирок ал депутат катары парламентте иштеп калат.
Турсунбеков өз ыйгарым укуктарын тапшырып жатканы боюнча 25-октябрда парламенттин жыйынында билдирди.
Анын айтымында, ал «өлкөдөгү температураны басаңдатыш» үчүн кызматынан кетип жатат.
«Мен 1,5 жылдан бери дайыма объективдүү иштегенге, мага көрсөтүлгөн ишенимди актоого аракет кылдым. Шайлоолор өлкөдөгү температураны көтөрүп койду жана аны түшүрүү үчүн мен отставкага кетишим керек деп ойлойм», — деди Турсунбеков.
Ошондой эле, Турсунбеков депутат катары парламентте иштөөнү улантаарын кошумчалады.
«Бир Бол» фракциясынын парламенттеги депутаты Мыктыбек Абдылдаевдин божомолуна ылайык, Турсунбеков Социал-демократтар партиясынын ичиндеги пикир келишпестиктерден улам кызматтан кетүү тууралуу билдириши мүмкүн.
Бирок КСДПнын башчысы Иса Өмүркулов билдиргендей, партияда пикир келишпестиктер жок.
«Партиянын ички иштери боюнча айтсам, ал ишенимден кеткен жок жана кызматтан кетүү үчүн ага эч ким кысым кылган жок. Бизде бардыгы бат алмашып жатат, ким билет мүмкүн ал дагы бир жолу шайланат», — деди Өмүркулов.
Алдын ала маалыматтарга ылайык, бул кызматка үч адам талапкер болууда:
- Бийликчил КСДПнын башчысы Иса Өмүркуловду;
- Жогорку Кеңештин коргонуу жана коопсуздук боюнча парламенттик комитетинин төрагасы Аскарбек Шадиевди;
- «Кыргызстан» партиясынын депутаты Дастан Жумабековду.
Турсунбеков 2017-жылдын июлунда президенттик шайлоого катышууну пландап жатканын билдирген.
Анын билдирүүсүн президент Алмазбек Атамбаев сынга алып, ага партиянын курамынан чыгууну сунуштаган, себеп дегенде Турсунбековдун чечими партиянын көпчүлүгүнүн чечимине карама-каршы келген.
Ошондон кийин Турсунбеков «чыр-чатактын очогу» болгусу келбегенин билдирип, президенттикке талапкер катары аттанбай спикерик кызматта кала турганын маалымдаган.
ТЕМА БОЮНЧА:
- Турсунбеков президенттик кызмат үчүн ат салышпайт
- Атамбаев Турсунбековду КСДПдан чыгаруу боюнча оюн айтты