Коомдук тармактарда Кыргызстан ИДП боюнча жакыр өлкөлөрдүн ичинен 10-орунда турган Focus Economics уюмунун инфографикасы тарап жатат. Чындыгында бул андай эмес. Эмне үчүн экенин түшүндүрөбүз.
Focus Economics уюмунун инфографикасы төмөндөгүдөй:
Уюм 2018-жылга карата калктын жан башына туура келген ИДПнын божомолунун жыйынтыгы боюнча Кыргызстанды 10-орунга жайгаштырган.
Эмне үчүн бул рейтинг күмөндүү? Анткени инфографиканы түзүүдө Focus Economics дүйнөдө бардык эмес, болгону 127 өлкөнүн гана көрсөткүчтөрүн эсепке алган.
Мисалы, бул топ-10го Түштүк Судан, Бурунди, Малави, Борбордук Африка Республикасы (БАР), Мадагаскар жана Ооганстан кирген эмес — андан тышкары, бул калктын жан башына ИДПсы Кыргызстанга салыштырмалуу аз деп саналган өлкөлөрдүн толук тизмеси эмес.
Демек мындай учурда Кыргызстанды дүйнөнүн 10 кедей өлкөсүнүн тизмегине киргизүү — тураа эмес.
Эл аралык валюта фондунун (ЭВФ) 193 өлкө үчүн 2018-жылга карата божомолуна ылайык, Кыргызстан дүйнөдөгү кедей мамлекеттердин ичинен Focus Economicsтин инфографикасында көрсөтүлгөндөй 10-орунунда эмес 31-орунунда турат.
Focus Economicsтин рейтингинде Борбор Азиянын башка өлкөлөрүнүн абалы да окшош — чындыгында калктын жан башына туура келген ИДП боюнча позициясы дүйнөлүк рейтингде жакшыраак болушу керек. Мисалы, Тажикстан ЭВФтин рейтингинде 20-орунда, ал эми Өзбекстан кедей өлкөлөрдүн ичинде 33-орунда турат.
ЭВФтин маалыматына ылайык, 10 кедей өлкөнүн тизмеси төмөндөгүдөй:
ЭВФтин маалымытына ылайык, Кыргызстан кедей өлкөлөрдүн ондугуна КИРБЕЙТ.
Калктын жан башына туура келген ИДПнын көлөмү учурдагы АКШ доллар баасында, 2018-жылга карата божомол.
Контекст: Кыргызстандын чынында 10 жакыр өлкөнүн катарына кирбегени, албетте, өлкө бай экендигинен кабар бербейт. Focus Economicsтин ИДП боюнча бааларынын өзү ЭВФтин божомолдоруна окшош. Маселенин өзөгү — дүйнөнүн башка өлкөлөрүн эсепке албаган рейтингди түзгөнүндө.
Авторлор: Савия Хасанова, Эльдияр Арыкбаев.