Республикалык штаб 4-январда Кыргызстанда COVID-19дун жаңы 83 учуру катталганын маалымдады. Илдетти жуктургандардын арасында үч медициналык кызматкер бар.
COVID-19 инфекциясынын 33 учуру Бишкек шаарында катталды — анын ичинде бир медкызматкер бар. Ошондой эле илдет Чүй жана Ысык-Көл облустарында 17ден (бир медкызматкер), Нарын жана Ош облустарында бештен (бир медкызматкер), Жалал-Абад, Баткен облустарында жана Ош шаарында бирден кишиден аныкталды.
Ал эми коронавирустан акыркы суткада 165 бейтап сакайды — алардын арасында төрт медкызматкер бар.
Коронавирустан Бишкек шаарында — 55, Чүй облусунда — 44, Жалал-Абад облусунда — 22, Ысык-Көл облусунда — 16, Ош шаарында — 13, Талас облусунда беш, Баткен жана Нарын облустарында төрттөн, Ош облусунда эки бейтап сакайып, ооруканадан чыгарылды.
Мындан сырткары Ысык-Көл облусунда COVID-19 жуктурган бир бейтап каза болду.
Ушуну менен Кыргызстанда COVID-19 инфекциясын жуктургандардын саны 81 388ге жетти. Анын ичинен 76 728 бейтап айыгып, 1 360 киши көз жумду. Алгач, 18-августта, COVID-19дан улам каза болгон бейтаптардын саны 1 498ге жеткен, бирок Саламаттык сактоо министрлиги алардын санын 29 пайызга азайткан.
Коронавирустун аймактар боюнча жалпы көрсөткүчү:
Бишкек шаары — 26 974;
Чүй облусу — 11 607;
Жалал-Абад облусунда — 9 806;
Ош облусунда — 8 259;
Ысык-Көл облусунда — 7 257;
Баткен облусунда — 7 144;
Ош шаарында — 5 518;
Талас облусунда — 2 552;
Нарын облусунда — 2 271.
Бүгүнкү күндө илдеттен 955 бейтап ооруканаларда дарыланып жатат — алардын ичинен 53 киши өтө оор абалда. Ошондой эле, 1 424 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
