Республикалык штаб 15-январда өлкөдө коронавирустун жаңы 134 учуру катталганын маалымдады. Жаңы катталган учурлардын 47си лабораториялык катталган, калган 87 бейтап ооруканадан сырткары пневмонияга чалдыкты.
Аймактар боюнча:
Бишкек шаары — 46;
Чүй облусу — 45;
Ысык-Көл облусу — 15;
Жалал-Абад облусу — 8;
Ош облусу — 12;
Ош шаары — 3;
Нарын облусу — 2;
Баткен облусу — 3.
Ошондой эле акыркы суткада коронавирустан 152 бейтап сакайды — алардын арасында алты медкызматкер бар.
Коронавирустан Бишкек шаарында — 78, Чүй облусунда — 34, Ысык-Көл облусунда — 14, Ош облусунда сегиз, Жалал-Абад облусунда — 13, Ош шаарында эки, Талас, Нарын жана Баткен облустарында бирден бейтап сакайып, ооруканадан чыгарылды.
Мындан сырткары коронавирустан Бишкек шаарында, Ош жана Чүй облустарында бирден бейтап каза болду.
Ушуну менен Кыргызстанда COVID-19 инфекциясын жуктургандардын саны 82 857ге жетти. Анын ичинен 78 715 бейтап айыгып, 1 381 киши көз жумду.
Жалпысынан COVID-19дун эң көп учуру Бишкек шаарында катталды — 27 671. Ал эми Чүй облусунда — 11 958, Жалал-Абад облусунда — 9 882, Ош облусунда — 8 340, Ысык-Көл облусунда — 7 416, Баткен облусунда — 7 169, Ош шаарында — 5 546, Талас облусунда — 2 569 жана Нарын облусунда — 2 306 киши коронавируска чалдыккан.
Бүгүнкү күндө илдеттен 812 бейтап ооруканаларда дарыланып жатат — алардын ичинен 48 киши өтө оор абалда. Ошондой эле, 1 021 адам үй шартында дарыланууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
