УКМКнын башчысы Камчыбек Ташиев Бишкетин мэри Айбек Жунушалиевге унаа токтотуучу жайы жок турак үйлөрдү, кеңселерди жана соода борборлорун курууга тыюу салууга чакырды. Бул тууралуу ал 28-ноябрда атайын кызматтын Бишкектеги эки бөлүмүнүн жаңы имараттарынын ачылышында билдирди.
Ташиевдин айтымында, чет өлкөлөрдө бардык жерде унаа токтотуучу жайлары бар — ошондуктан ал жактарда тыгындар жок.
«Бардык жерде унаа токтотуу жайлары болушу керек. Чет өлкөлөрдө ар бир үйдүн алдында бар. Биздеги эски үйлөрдө эч нерсе жок да», — деди ал мэрге.
