Жол кырсыгы Жалал-Абад облусунун Таш-Көмүр шаарынын жанында болгон. Жеңил машина газ ташыган унаа менен сүзүшүп, натыйжада 10 адам каза тапкан, алардын арасында эки бала бар.
Таш-Көмүр шаарындагы Бишкек-Ош жолунун 457-чакырымында 6-ноябрь күнү саат 00:05де «Хонда Степвагон» менен «Ман» үлгүсүндөгү газ ташыган унаа сүзүшүшкөн.
ӨКМдин маалыматына ылайык, кырсык болгон жерде сегиз адам каза болгон, анын арасында 6 айлык ымыркай бар.
Таш-Көмүр шаарынын ооруканасында бир бала менен дагы эки жабыр тарткан адам каза болушкан.
Каза тапкандардын сөөктөрү Таш-Көмүр шаарынын өлүкканасына жөнөтүлдү.