Беш министр жана өкмөттүн бир нече кызматкерлери 12-мартта сапатсыз иш үчүн премьер-министр Сапар Исаковдон санкцияларды алышты:
Отставкага кетти:
• Өкмөттүк аппараттын жетекчиси Нурханбек Момуналиев;
Момуналиев өзү кызматтан кетип жатканын эл аралык документтерди даярдоодо кетирилген катачылыктар менен түшүндүрдү.
Бошотулгандар:
• Социалдык өнүгүү бөлүмүнүн башчысы Улан Маматканов;
• Укуктук экспертиза бөлүмүнүн башчысы Максатбек Есеналиев;
• Өкмөттүк аппараттын жетекчисинин орун басары Эмилбек Бусурманкулов.
Алар Кыргызстан менен Орусиянын өкмөттөрүнүн ортосундагы келишимдеги «чала даярдоолордун» айынан бошотулган.
Катуу сөгүш уккандар:
• Саламаттык сактоо министри Талантбек Батыралиев;
• Экономика министри Артем Новиков;
• Билим берүү министри Гүлмира Кудайбердиева;
• Айыл чарба министри Нурбек Мурашев;
• Өнөр жай, энергетика жана жер казынасын пайдалануу мамлекеттик комитетинин төрагасы Уланбек Рыскулов;
• Айлана чөйрөнү коргоо боюнча мамлекеттик агенттиктин директору Абдыкалык Рустамов;
• Архитектура жана курулуш мамлекеттик агенттигинин директору Бактыбек Абдиев.
Министрлер менен аткаминерлер «2017-жылга карата мамлекеттик инвестициялардын долбоорунун бюджети боюнча жетишээрлик эмес иш алып барышканы» үчүн санкцияларды алышты.
Сөгүш уккандар:
• Финансылык рынокту жөнгө салуу жана көзөмөлдөө боюнча мамлекеттик кызматтын статс-катчысы Абдухалык Шамшиев;
• Архитектура жана курулуш мамлекеттик агенттигинин статс-катчысы Самат Бөрүбаев.
Эскертүү алгандар:
• Юстиция министри Уран Ахметов;
• Маданият министрлигинин статс-катчысы Бактыбек Секимов;
• Айлана чөйрөнү коргоо боюнча мамлекеттик агенттиктин статс-катчысы Азамат Эркебаев;
• Мамлекеттик мүлктү башкаруу боюнча фондусунун статс-катчысы Илияз Ташбаев.
Өкмөт башчысы юстиция министри менен аткаминерлерге «антикоррупциялык стратегия саясатын аткаруу боюнча сапатсыз маалымат көрсөтүлгөнү жана аткаруучулук тартиби төмөн болгону» үчүн эскертүү жана сөгүштөрдү жарыялады.