«Клооп» 140 жыл толгон Бишкектин белгилүү жерлеринин тарыхы жөнүндө режиссер Эрик Абдыкалыковдун чыгырыктарынын серияларын жарыялоону улантууда. Бул чыгарылышта актер Азиз Мурадилаев Фрунзенин биринчи көп кабаттуу үйлөрү, филармония, Ак үй жана алгачкы калаа башчысы жөнүндө айтып берет.
Эскертүү: Чыгырыкта факт түрүндө катачылык кеткен. Ида Каминска 1996-жылы жаңыдан эле «Оскар» сыйлыгына көрсөтүлгөн, ал эми аны Элизабет Тейлор алган.
Бишкек шаарынын 140 жылдыгына арналган «Бишкек-140» роликтеринин сериялары азыр төрт видеодон турат. Анын автору жана режиссеру Эрик Абдыкалыковдун айтымында, максаты — бишкектиктерге калаанын тарыхы жөнүндө айтып берүү.
«Шаардыктардын көпчүлүгүнө өз шаарынын тарыхы белгисиз болуп калган. Ушул себептер боюнча, кызыктуу материал чогултуп, кыска метраждуу тасмалардын сериясын тартуу чечими кабыл алынган», — деди ал.
Башында Абдыкалыковдун командасы чыгырыктарды өз каражатына тартып, андан соң Бишкек мэриясы да колдоо көрсөткөн.
Иш төрт чыгырык менен эле токтоп калган жок. Алардын авторлорунун айтымында, 2018-жылдын аягына дейре ал Бишкектин бүтүндөй тарыхын камтыган тасмалардын санын 16га жеткизүүнү пландоодо.
«Жакында биз экинчи сезондун съемкаларына киришкени жатабыз, ал дагы төрт тасмадан турат», — дейт Эрик Абдыкалыков.