Бишкек гарнизонунун аскердик прокуратурасы Коргоо министрлигинин аскердик бөлүгүнүн кызматркерлерине карата кылмыш ишин козгоду — тергөөнүн маалыматы боюнча, алар согуштук унаалардын паркындагы танктардын радиаторлорун уурдашкан. Бул окуя боюнча коргоо министрлиги түшүндүрмө берген жок.
13-июлда Коргоо министрлигинин аскер бөлүктөрүнүн биринин согуштук унаалар паркында Т-72 танктарынын радиаторлору жоголгон — аскер прокуратурасы радиаторлорду уурдоого анда кызмат өтөгөн аскерлердин өздөрүн күнөөлөдү.
Азырынча аскер бөлүгүнүн номуру жана учурда шектелип кармалгандардын аты-жөнү айтылбай эле.
Көзөмөлдөөчү орган унаа паркынын кароолчуларына карата да кылмыш ишин козгоо маселесин караштырып жатат.
Коргоо министрлигинин басма сөз катчысы бул боюнча түшүндүрмө берүүдөн баш тартты.
Т-72 танкы КМШ өлкөлөрүнүн бардыгынын аскердик куралдарынын катарында бар жана негизги согуштук унаа болуп эсептелет.
Кыргызстандагы танктардын саны — бул сыр маалымат, деп билдиришти Коргоо министрлигинин басма сөз кызматы.
Радиатор — температураны жөндөп туруучу унаанын бөлүгү.
Автор: Бегимай Бекболотова
Редактор: Зарема Султанбекова
Которгон: Илгиз Чалбараков
Сүрөттүн автору: Andrew Bossi