25-октябрда Бишкек шаарынын мэри Иса Өмүркулов №13 шаардык лицейдин директорунун жаңы милдетин аткаруучусун дайындады. Мектептин мурунку директору Гүлайым Алиева «пара алгандыгы» үчүн кызматынан четтетилген.
Мектептин директорунун жаңы милдетин аткаруучу болуп Юлия Красницкая дайындалды. Буга чейин ал мектептин окуу-тарбиялык иштери боюнча жетекчисинин милдетин аткарып келген.
Мэр Красницкая аталган мектептин бүтүрүүчүсү болгондуктан аны директор кылып дайындагандыгын айтты.
«Бүгүн залда аны окуткан көптөгөн педагогдор болду, ошондуктан алар башка бирөөнө караганда аны жакшы түшүнүп, жакшы кабыл алышат», – деди Өмүркулов.
Мэр кошумчалагандай, ал Красницкая мектептин туруктуу директору болушун каалайт.
Мектептин мурунку директору Гүлайым Алиева «пара алган» деп айыпталгандан кийин кызматынан кеткен.
Башкы прокуратура Алиевага карата кылмыш ишин 2012-жылдын февралында, «кызмат абалынан кыянаттык менен пайдалануу» беренеси боюнча козгогон. Сот анын ишин ошол эле айда карап баштаган.
Тергөөнүн версиясы боюнча, Алиева «Ой-Булак» аймактык-коомдук фондун негиздеген, ага мектепке келген ар бир жаңы окуучунун ата-энеси милдеттүү түрдө 20 миң сомдон төлөшү керек болгон.
Тергөө ошондой эле Алиева мектептеги оңдоо жана курулуш иштерине кеткен чыгымды бир топ көбөйтүп айтып, арткан каражатты өзү алып алгандыгын аныктаган.
Автор: Мария Гребнева
Редактор: Александра Ли