Ош областынын Жаңы-Кыштак айылында жашаган лѳлү тектүүлѳрдун мектебинде 500дѳн ашуун окуучу билим алат. Сабактар кыргыз жана ѳзбек тилинде окутулат. Айыл тургундарынын арасында мектепке барбагандар да бар. Ал эми айрым идиректүүлөр бүтүп, жогорку окуу жайларда билим алууда.
Жаңы-Кыштак айылынын тургуну Юлдуз Шергазиева он сегиз жашка чыкса да, мектеп босогосун аттаган эмес. Ал үй бүлоолүк абалына байланыштуу мектепке барбай калган. Анткен менен тамганы үйрѳнүп алган.
«Ата-энем жок чон-энемдин колунда чонойгом, ошол үчүн окуган эмесмин.Кыргыз, озбек тилинде окуганды билем бирок жазганды билбейм. Мага окшоп окубай калган кыздар кѳп. Мен да билим алып маалымат алып жашагым келет»,- дейт Юлдуз.
![Жаңы-Кыштак айылында лѳлү калкынын саны 4 миңден ашуун, 600 кожолук бар](https://ky.kloop.asia/wp-content/uploads/sites/6/2013/11/lolu-baldar-450x253.jpg)
Ошол эле айыл тургуну Махпуза Калдарова балдарынан кѳптү күтѳт. Анын балдары учурда мектепте билим алышууда. Махпузанын айтымында, азыркы учурда билим албаса, келечегине кыйын болот.
«Балам мектепте 6-класста окуйт . Чонойгондо баламдын юрист болушун каалайм. Биздин мектептин абалы жакшы, окуу куралдары жетиштуу, айрым окуучулар мектепти бүтүп жогорку окуу жайларына тапшырысша , кѳпчүлүгү ар түрдүү жумуштарда иштеп үй бүлѳ багышат»-дейт Махпуза.
Ош областынын Кара-Суу районуна караштуу Нариман айылдык округунда жайгашкан Мирзо Турсинзода атындагы мектептин негизделгенине 40 жылдан ашты. Алгач тѳрт бѳлмѳлүү башталгыч класс болгон. Учурда 9- класска чейин окутат, 500дѳн ашык окуучу билим алат. Окуу бѳлүмүнүн башчысы Ишен Алтын уулу бул мектепти аяктаган айрым окуучулар жогорку жана орто билим алып жатышат.
![Ишен Алтын уулу](https://ky.kloop.asia/wp-content/uploads/sites/6/2013/11/lolu-mekt-zavuch-200x130.jpg)
«Кыргыз, озбек улутундагы жана жергиликтуу тургундардан чыккан мугалимдер сабак берет. Окуучуларды эки кезмет менен окутабыз. Окуучуларыбыз жеӊил атлетика жана тогуз коргоол боюнча окуучуларыбыз сынактарда байгелүү орундарга ээ болушкан. Ѳткѳн жылы үч окуучубуз жогорку окуу жайына тапшырышкан , быйыл бир окуучубуз ОГПИ де окуп жатат»-дейт Ишен.
Башталгыч класстар жана тарых мугалими Тѳлѳн Кадыров мугалимдер жетиштүү экендигин айтат. ЖОЖдун студенттери да сабак берип иштешерин белгиледи.
![Тѳлѳн Кадыров](https://ky.kloop.asia/wp-content/uploads/sites/6/2013/11/lolu-mugalim-200x130.jpg)
«Биздин эл бул жерлерге 1950- жылдары келип отурукташкан. Мугалимдер жогорку билимдүү, ѳзбек жана кыргыз улутундагылар. Окуучулардын сабакка катышуусу жакшы»,-дейт Тѳлѳн Кадыров.
Мектепте сабактар кыргыз жана ѳзбек тилинде окутулат 7-класска чейин кыргыз тилинде, 7-9- класстарда ѳзбек адабияты кошулуп окутулат. Жетим жарым жетим окуучуларга айыл ѳкмѳтү тарабынан жыл сайын жардам көрсөтүлөт.
Ѳткѳн окуу жылында окуучулардын саны 460 болсо быйыл 540тан ашкан. Жаңы-Кыштак айылында лѳлү калкынын саны 4 миңден ашуун, 600 кожолук бар.
Автор: Үмүт Жума кызы
Сүрѳттѳр автордуку
Редактор:Гүлзат Газиева