Кыргызыстанда акыркы күндө эки жол кырсыгынан беш адам жабыркап, үч адам каза тапты. Өзгөчө кырдаалдар министрлигинин басма сөз кызматы маалымдагандай, бир жол кырсыгы Чүй облусунун Буденовка айылында болсо, башкасы Жалал-Абад шаарында катталган.
Бишкек-Торугарт унаа жолунун 27-чакырымында –Ысык-Ата районунун Буденовка айылында – "MAN" үлгүсүндөгү жүк ташуучу унаа менен "Хонда-Одиссей" жеңил унаасы сүзүшкөн. Анда жол кырсыгынан төрт адам жабыркап эки адам каза тапкан. Окуя кечээ 10-январь саат 16:50 чамасында жүз берген.
Өлкө ичинде катталган экинчи жол кырсыгы Жалал-Абад шаарында 11-январдын болжолдуу таңкы үчтөрүндө болгон. Анда айдоочу "Нива" үлгүсүндөгү унаасын башкара албай темир тосмону сүзүп алган. Кырсыктан унаанын ичиндеги бир адам жабыркап, экинчиси каза тапкан.