Али Өмүров Кыргызстанда өз өнөрү менен алектенип, ошол эле убакта өлкөдө ишкердикти өнүктүрүүгө салым кошкондордун санын толуктайт. Кабарчыбыз Калыгул Максат уулу анын өнөрканасы менен таанышып келди.
"Биринчи ишиимди баштаганда бир балка жана бир бычагым бар болчу, азыр болсо өзүмдүн ишканам жана окуучуларым бар",–деп эскерди алгачкы иш баштаган күндөрүн Али Өмүров.
"Менин бут кийим жасай баштаганыман бери үч жыл болду. Биз жасаган бут кийим таза териден жасалат",–деп бөлүштү кол өнөрчү.
"Мен эгер өзүмдүн кызыкчылыгымды ойлосом эчак эле бир чет өлкөлүк фирмада иштеп жатмакмын. Бирок мен антким келбеди. Аз болсо да кыргыз элимди сапаттуу бут кийим менен камсыз кылгым келет",–деп айтат 35 жаштагы ишкер.
"Негизги максатым ушул өнөрүмдү жети облуска таркатуу",–деп билдирет Али.
"Негизинен мындай өнөрлөрдү мектепте кол эмгек, чийүү сабактарында үйрөтсө жакшы болмок. Алсыз кыргыз элим жок дегенде өзүн бут кийим менен камсыз кыла алмак",–деп кошумчалады Али Өмүров.
"Сүймөнкул Чокморов атындагы окуу жайына окууга тапшырып калдым. Ошол жерде кол эмгектен сабак берген агайым бут кийим жасоону үйрөткөн. Менин кол өнөрчүлүк чыйырым ушинтип башталган",–деп айтып берди ал.
"Ошондон тарта бут кийим жасоого кызыгып ушул багытта иштөөнү чечкенмин" Али Өмүров
Автор: Сыймык Максат уулу