Фото-сүрөтчү жана саякатчы Данил Коржонов Кыргызстандын жаратылышын чагылдырган көптөгөн сүрөттөрдү тарткан. Сүрөттөр Kloop.kgнин редакциясына ушунчалык жаккандыктан аларды сайтыбызга чыгарууну чечтик.
Тескей Ала-Тоонун тоо кыркасында жайгашкан Ала-Көл көлүнүн көрүнүшү.
Бардык эле тоолу аймакта жайгашкан көлдөрдөй эле Ала-Көлдүн өңү дагы аба ырайы менен аралыкка жараша өзгөрүп турат.
«Көл бизди зериктирбей ичинен жаркырап тургандай сыяктанат», — деп жазган Коржонов.
Жамгырдан кийин тоодо эки чокуну бириктирген асан-үсөн пайда болду.
Тактыктор ашуусунун алдында суусу тоңо элек муздак көлдүн укмуштуудай ажайып көрүнүшү ачылат.
«Бул жер метеориттер аткылап ушундай чуңкурларды калтыргандай көрүнөт экен», — деп сүрөттөгөн бул жерди Коржонов.
Күндүн батышы.
Ала-Тоо.
Жайлоодогу күүгүм.
Жети-Өгүзгө бара жаткандагы каньонду белгилүү америкалык Гранд Каньон менен салыштырса болот.
Тоолордун ортосунда бир нече үй-бүлө жашаган кичинекей кыштак бар.
«Жылдыздуу каньондун» түнкү көрүнүшү.
Туристтер таң эрте турушуп суунун күрөң түскө боелуп калганына күбө болушту.
Кыргызстандын түштүгүнө бара жатканда дайыма көрүүгө мүмкүн болгон Токтогул суу сактагыxы.
«Бул тоо арасында жоголгон жети көлдүн бири. Көлдү бойлой кеткен жалгыз аяк жолдор жок. Туристтер, фото-сүрөтчүлөрдүн буттары баса элек жерлер», — деп жазган Коржонов.
Ошол эле көлдүн көрүнүшү, бирок башка тарабынан.
Фото-сүрөтчү бул жактагы чөп жакшы сакталган жана ширелүү болгондуктан жылкылар даам алуу үчүн дал ушул жерге келе тургандыктарын айтууда.
