Америка футболу боюнча 21-мартта өткөн Bishkek Bowl 2014 мелдешинде Кыргызстандын «Барстар» командасы казакстандык «Титандарды» 18:12 эсебинде жеңип алды.
Бишкектик «Барстар» менен алматылык «Титандар» Борбордук Азияда жыл сайын америка футболу боюнча өз ара мелдеш өткөрүп келген жалгыз командалар.
Бул командалардын ортосундагы кезектеги Bishkek Bowl 2014 мелдеши 21-мартта 18:12 эсебинде кыргызстандык «Барстардын» жеңиши менен аяктады.
Оюндун алгачкы бөлүгү эки команда үчүн тең абдан оор болду. Бишкектиктердин топту жакшы илип алып жаткандыктары менен «Барстар» дагы, «Титандар» дагы оюн эсебин ача алышкан жок.
Беттештин экинси бөлүгү «Барстардын» активдүү чабуулу менен башталды — квотербэк Дастан Акматов топту кабыл алуучу Кайрат Турекановго чыгарып берди, ал өз кезегинде оюндагы алгачкы тачдаунду аткарып оюн эсебин ачты. Эсеп бишкектиктердин пайдасына 6:0 болду.
Киргизилген топтон кийин бишкектиктер жигердүү чабуул жасоого өтүштү. Алар казакстандыктарды өз айып аянтчасына кысуу менен биринчи чабуулунда эле топ киргизип эсепти 12:0гө жеткиришти.
Экинчи бөлүк «Барстардын» дагы бир киргизген тобу менен аякташы мүмкүн болчу, бирок оюн талаасында талап кылынгандай 11 эмес, 12 оюнчу болгондуктан калыс ал топту эсептебей койду.
Кыска тыныгуудан кийин «Барстардын» күжүрмөн күүсүнө карабастан бишкектиктер беттештин экинчи жарымынын башында атаандашына топ киргизе алышкан жок.
«Титандар» демилгени өз колдоруна алып, эки тачдаун аткаруу менен эсепти 12:12ге жеткиришти — биринчи тачдаунду «Барстардын» чабуулундагы жоготууга дуушар болгон топту илип алуу менен, ал эми экинчисин алматылык квотэрбэктин чыгарып берүүсү аркылуу ишке ашырышты.
Оюндун акыркы бөлүгү эки команда үчүн тең оор болду — эки курама тең алдыга чыгып, беттешти өз пайдаларына жыйынтыктоого аракет кылышты.
Анткен менен командалардын аракеттери оюндун сапатына таасирин тийгизип, «Барстар» дагы, «Титандар» дагы топту көп алдырып жиберип жатышты.
Бишкектиктер узун чыгарып берүүлөрүнүн эсебинен алматылыктардын айып аянтчасына бир нече жолу кирип баруулары менен оюн эсебин өздөрү тарапка ыктай алышты.
Беттештеги чечүүчү тачдаундун автору «Барстардын» раннинбэки Вячеслав Рыбалкин болду.
Оюн 18:12 эсебинде бишкектиктердин пайдасына аяктады.
Автор: Илона Пфеффер
Сүрөттөрдүн жарымы Борбордук Азиядагы Америка футболунун Facebookдагы баракчасынан алынды.