Кыргызстандын президенти Алмазбек Атамбаев жана өкмөт менен парламенттин жогорку мансаптагы чиновниктери 2010-жылдагы Апрель революциясынын төрт жылдыгына карата Ата-Бейит мемориалдык комплексине барышты.
Эскерүү иш-чарасы эртең мененки саат 10:00дө Бишкектин Ала-Тоо борбордук аянтында башталды.
Андан соң чиновниктер менен курман болгондордун туугандарынан турган делегация «Ата-Бейит» мемориалдык комплексине багыт алышты.
2010-жылдын 7-апрелиндеги бийлик алмашуу маалында 80ден ашык киши курман болгон.
Формалдуу түрдө мурунку президент Курманбек Бакиевдин режими 2010-жылдын 7-апрелинде аяктаган. Кийинчерээк ал тынчтык митингинин катышуучуларын өлтүрүүгө күнөөлүү деп табылган.
Эскерүү иш-чаралары 7-апрель күнү эртең менен күтүүсүздөн кескин өзгөргөн аба-ырайында өттү.
Чоң мансаптагы чиновниктер менен каза болгондордун туугандарынын катышуусунда 2010-жылдагы революциянын курмандыктарына багышталып куран окулду.
Автор: Шохрух Саипов