Өткөн дем алыш күндөрү Бишкекте «Weddind Expo-2014» деген аталыштагы үйлөнүү той көргөзмөсү ачылды. Анда үлпөт тойлордо кийилчү апакай көйнөктөр менен аксесуарлардан сырткары түрдүү түстөгү таттуу даамдарды татып, торт тандап, үлпөт тойго даярдануу боюнча профессионал адистер менен кеңешүүгө болот.
Үйлөнүү той көргөзмөсү өткөн дем алыш күндөрү Бишкекте өткөн иш-чаралардын эң популярдууларынын бири болду окшойт.
Ага алдыдагы үйлөнүү тоюна даярданып жаткан кыздар, ошондой эле жөн гана кызыккан шаардыктар барышты.
Көргөзмөдө дээрлик бүт бардыгын тапса болот — ошол эле жерден буйрутма менен алууга мүмкүн болгон үлпөт көйнөктөрдөн тарта...
...майрамдык таттуу даамдарга — көп кабаттуу торттор, безе жана кичинекей француз десерт-макарондоруна чейин.
Көргөзмөнүн уюштуруучулары түрдүү жасалгалар менен кооздолгон чоң торттор жөн гана коомчулуктун таанышуусу үчүн экенин эскертишүүдө. Чыныгы көп катмарлуу тортторду алар кардарлардын жеке буйрутмалары менен жасашат.
Ошондой эле көргөзмөдө атайын тизмелерден кондитер азыктарынын үлгүлөрү менен таанышып, буйрутма берсе болот.
Үйлөнүү-үлпөт тоюн өзгөчө кылып өткөргүсү келгендер майрамдык салтанатка «жандуу статуяны» чакыра алышат.
Көргөзмөдө өз кызматтарын көрсөтүп жаткан үлпөт тойлорду уюштуруучулар каалагандардын бардыгына кеңештерин беришип, дасторконду даярдоо жана майрамдык чөйрөгө «өзгөчөлүк» кошо турган аксессуарлар тууралуу айтып беришүүдө:
Автор: Майрам Абакирова