Basicolors граффити фестивалы 21-июнда Кыргызстанда болуп өттү - анын Германия жана Франциядан келген катышуучулары “Бирге бактылуу” деген темада Лев Толстой көчөсүндө галлерея тартышты.
Basicolors Бишкекте алтынчы жолу өтүп жатат.
Фестивалга Германия жана Франциядан граффитисттер чакырылган - алардын ичинен 2RODE каймана аттуу эң тажрыйбалуусу граффити менен 26 жылдан бери алектенип келет.
Фестивалдын темасы “Бирге бактылуу” болгонуна карабастан граффитисттердин ар бири дилине жакын болгон нерсени тартып жатты.
Көпчүлүк сүрөттөр мышык тематикасында тартылып жатты.
Чет жерден келген граффитисттердин айтымында жергиликтүү боёктордун сапаты начар болгон - алар өздөрү менен кошо алып келген саптоочтору бул жердеги баллончиктерге туура келбей калган.
Фестивалдын уюштуруучусу, бишкектик граффитист Виктор Цойдун айтымында, Кыргызстанда граффитинин өнүгүүсү үчүн чоң потенциал бар - сүрөтчү кошумчалагандай, ага граффити тартууну үйрөтүүсүн суранып бат-баттан кайрылгандар бар.
Немец граффитисти sbeck айткандай, Кыргызстанда граффити тартуу ага аябай жагат. Анткени Кыргызстанда бул тармак эми-эми пайда боло баштаган жана кроссинг - бир граффитист өзүнүн сүрөтүн атайын башка сүрөттүн үстүнө тартуу - өнүгө элек.
