Кыйнап өлтүрүү белгилери менен табылган адамдын денеси 28-июнда Чүй облусунун Сокулук районуна караштуу Панфилов айылына жакын жердеги көлмөдөн табылган.
Өлтүрүлгөн адамдын болжолдуу жаш курагы - 30-35 жаш - деп кабарлады Чүй облусунун Ички иштер башкармалыгынан.
“Алдын ала экспертиза көрсөткөндөй, анын өлүмү буулуп, ур-соккуга алынгандан кийин болгон”, - деп кабарлады Чүй облустук ИИБнин басма сөз борборунан.
Жансыз дененин өздүгү азырынча аныктала элек, бирок кылмыштын бетин ачуу боюнча ыкчам тергөө тобу иштеп жатат.
Анын оң колунда балтанын сүрөтү түшүрүлгөн, ал эми сол колунда парус жана үч жылдыздын татуировкасы бар.
Дененин канча убакыт көлмөдө жаткандыгы тууралуу так маалымат жок - милициянын божомолдоруна ылайык, ал беш күндөн тарта бир айга чейин көлмөдө жаткан болушу мүмкүн.
Тергөөчүлөр “өлтүрүү” беренеси боюнча кылмыш ишин козгогон.