Кадамжайдагы "Эл жарчысы" гезитинин башкы редактору Кайрат Жапаров Чоң-Гара өзбек анклавынын аймагында сабалды. Азыр милиция бул фактты иликтөөдө.
Өзбек анклавы Чоң-Гаранын жергиликтүү тургундары Жапаровду жана анын алты жаштагы инисин суу ичүү үчүн токтогон кезде сабашкан, деп кабарлайт "Азаттык" үналгысы журналистке шилтеме менен.
Анын айтымында, жергиликтүү балдардын тобу жаңжалды биринчи баштаган.
![japarov1](https://ky.kloop.asia/wp-content/uploads/sites/6/2014/07/japarov1.jpg)
![b63c5f396062b4cdeb53d66daf763675-450x253](https://ky.kloop.asia/wp-content/uploads/sites/6/2014/07/b63c5f396062b4cdeb53d66daf763675-450x253.jpg)
Учурда ал иниси менен Баткен облусунун Кадамжай районундагы ооруканада жатат.
Жергиликтүү милициянын штабы өзбек укук коргоо органдары менен биргелешип, инцидентти иликтей башташкан.
Жапаров 2014-жылдын башында "Эл жарчысы" гезитинин башкы редактору болгон. Ага чейин ал кыргыз гезиттери "Де-Факто", "Ош шамы" жана "Алибиде" иштеген.
"Эл жарчысы" гезити 1,3 миң нуска менен чыгарылат.
Кыргызстандын, Өзбекстандын жана Тажикстандын аймактары Фергана өрөөнүндө биригет жана өлкөлөрдүн ортосундагы татаал чек ара системасын түзөт.
Мамлекеттердин ортосундагы чек аралардын көпчүлүк бөлүгүнүн делимитацияланбаганы жергиликтүү тургундардын ортосундагы кагылышуулардын такай жүз беришине жана ошондой эле кээде чек арачылардын ортосунда чырдын чыгышына алып келүүдө.