22-июлда Бишкекте икебананын техникасы боюнча мастер-класс болуп өттү.
Икебана — бул гүлдөрдү куроо жана атайын идиштерде гүлдөрдүн айкаштыгын түзүү боюнча байыркы жапон искусствосу.Мастер-класстын уюштуруучусу — Согэцу жапон мектебинин биринчи даражадагы чебери Чынара Мундусбаева
«Икебана жапон тилинен «гүлдөрдүн жашоосу» же «жандуу гүлдөр» деп которулат», — деди чебер.
kloop.kgнин кабарчылары түрдүү жаш курактагы коноктордун пикирлерин укту.
«Мен бул жакка икебана менен алектенүү үчүн келдим, анткени ал мага жагат, гүлдөрдү жыттап көрүүгө да болот. Мен бул жакта кечээ да болгом, икебана менен жети жашымда бир жолу алектенгем. Мен үчүн бул өтө кызык», — дейт 10 жаштагы Жамал.«Мен бул жакка Роза Отунбаеванын демилгесин колдоо үчүн жана адамдар ушул сыяктуу иш-чараларга келүү керектигин билсин деп келдим. Икебана мени көптөгөн кылымдардан бери келе жаткан өтө жеткиликтүү искусство экендиги менен кызыктырды», — деди Нина.
«Букет жасоо искусствосу мени дайым кызыктырчу, бир нерсе жасап көргүм келе берчү. Алгач келгим деле келген эмес, бирок келгенден кийин көңүлүм ачылып кетти… Бул өтө жакшы иш. Бул жактан мен көптөгөн жаңы нерселерди үйрөндүм, мындан улам мага жагымдуу болууда», — дейт Александра Александоровна.
Мастер-класстын катышуучулары өздөрүнүн чечкиндүү идеяларын ишке ашырып жатышты
Гүлдөрдүн айкаштыгын түзүүдө өздөрүн сынап көрүү үчүн бул жакка үй-бүлөлөрү менен да келишкен
Икебана бардык жаш курактагы адамдарды бириктирди
Авторлор: Лия Созашвили жана Елизавета Остроухова