Кыргызстандын Маданият министрлиги V кылымда жасалган кыргыз зер буюмунун кантип Лондондогу «Сотбис» аукционуна барып калгандыгын териштирип баштады. Кыргызстандын Бөкөнбаев айылында сакталган реликвия 3-декабрда 320 миң долларга сатылган.
Мекеме териштирүү иштеринин башталгандыгы тууралуу 4-декабрда билдирди деп жазды «АКИпресс» агенттиги Маданият министрлигине шилтеме жасап. Териштирүү «Үмүткордун жакасы» деп аталган зер буюм Лондондогу «Сотбис» аукционунда сатылгандан бир күн өткөн соң башталууда.
Маданият министрлигинин басма сөз кызматы «Тарыхый-маданий мурастарды сактоо жана пайдалануу жөнүндөгү» мыйзамга шилтеме жасоодо — ага ылайык, Кыргызстандын тарыхый жана маданий эстеликтери өлкөнүн менчигинде болуп, мамлекет тарабынан корголушу керек.
«Кыргызстандын жана Кыргыз Республикасынын субъектилеринин менчигиндеги тарыхый жана маданий эстеликтер мамлекет тарабынан корголо тургандыгын белгилеп кетүү зарыл», — деп билдирүүдө басма сөз кызматы.
Азырынча териштирүү кандай жол менен жүрө тургандыгы белгисиз. Лондон аукционунун маалыматы боюнча, зер буюм Кыргызстандан Словакияга 2013-жылы белгисиз шарттарда алынып кетилген.
Материал жарыяланып жаткан маалда бул боюнча түшүндүрмө алуу үчүн Мадания министрлигинин өкүлдөрү жеткиликсиз болушту.
Биздин замандын V кылымында жасалган зер буюм сатыкка 320 миң доллардан 490 миң АКШ долларына чейинки старттык баада коюлган.
Жасалга хунндар доорунда жасалган. Ал XIX кылымдын аягында ээси Сансызбай Үмүткордун атынан «Үмүткордун жакасы» деп аталган.
Зер буюм ак сөөк адамдарга таандык болуп, муундан муунга берилип келген. Ал согулуп токулган алтындан, кара кочкул асыл таштардан жана айнектен жасалган.