Сүрөт: Украин кагылышуусунун бир жылы kloop.kgнин журналистинин көзү менен

Автор:

23/02/2015

Туура бир жыл мурун, 2014-жылдын 22-февралында Украинанын президенти Виктор Янукович оппозициянын дээрлик үй айлык нааразычылынан кийин Жогорку Раданын депутаттары тарабынан кызматынан алынган. Ошол эле күнү ал Киевден качып кетип, көп өтпөй анын Орусиянын аймагында экендиги белгилүү болгон.

Евромайдандын логикалык аяктоосу катары көрүнгөн Украинанын Европага багыт алып өнүгүүсү үчүн өткөн нааразычылык акциялары — өлкөнүн чыгышындагы согушка алып келген окуялардын жаңы тизмегин жаратты.

2014-жылы Kloop.kgнин башкы редактору Бектур Искендер журналист катары Украинага үч жолу барып келген. Ал өлкөнүн батышында да, чыгышында да болуп, андагы көрүнүштөрдү сүрөткө тарткан.

Сыягы, украин кагылышынын аякташына көп бар окшойт, ошондуктан бул материалда Януковичтин бийликтен кетишинин бир жылдыгынын жыйынтыктары чыгарылбайт жана ал боюнча кандайдын бир комментарийлер берилбейт.

Биз сиздерге болгону сүрөттөрдү гана көрсөтөбүз.

Евромайдандын тосмолору Киевдин борборундагы жер алдындагы өтмөктүн кире беришин жаап турушат, 2014-жылдын февралы:

Майдандагы аза күтүү, 2014-жылдын февралы. 2014-жылдын февраль жана январь айларында нааразычылык акциясына чыккандар менен күч түзүмдөрүнүн ортосундагы кагылышуулардын жүрүшүндө 100дөн ашык киши каза болгон:

Майдан, Киев, 2014-жылдын февралы:

2014-жылдын февралында айыгышкан кагылышуулар орун алган Майдандын жанындагы баррикада:

Капталына жыгылган бул кичи автобус нааразычылык акциясына чыккандар тарабынан көзгөатарлардын огунан коргонуучу калкан катары пайдаланылган. Киев, 2014-жылдын февралы:

Майдандагы кагылышуулардын жүрүшүндө жарадар болгондорду бир нече сутка бою дарылаган дарыгерлер «Украина» мейманканасынын биринчи кабатында эс алып отурушат. Анда мейманкананын биринчи кабаты убактылуу госпиталга айланган. Киев, 2014-жылдын февралы:

Евромайдандын штабы жайгашкан имараттагы — Украин Үйүндөгү «Евромайдандын китепканасы». Киев, 2014-жылдын февралы:

«Правый сектордун» аскери өз уюмунун штабынын кире беришин кайтарууда. Киев, 2014-жылдын февралы:

Евромайдандын катышуучусу күч түзүмдөрүнөн тартылып алынган согуштук унаада (БМП). Арткы фондо кагылышуулардын жүрүшүндө өрттөнүп кеткен Профсоюздар үйүнүн имараты. Киев, 2014-жылдын февралы:

Виктор Янукович бийликтен кеткенден кийин Евромайдандын коргонуу тобунун мүчөсү Жогорку Раданын имаратынын жанында кайтарууда. Киев, 2014-жылдын февралы:

Евромайдандын коргонуу тобу Жогорку Раданын имаратынын жанында. Киев, 2014-жылдын февралы:

Евромайдандын активисти Украин православ чиркөөсүнүн Киев партиархатынын патриархы Филаретанын колун өөп жатат. Киев, 2014-жылдын февралы:

Киевдин борборунда кадимки режимде эле иштеп жаткан дүкөндүн жанындагы өрттөлгөн жүк унаасы. Янукович бийликтен кеткенден кийинки алгачкы күндөрү милициянын жок болгондугуна карабастан Украинанын борборунда көчө кылмыштуулугунун күчөшү же талоончулук болгон эмес:

Киев шаардык радасынын имаратынын алдында Евромайдандын коргонуу тобунун мүчөсү фортепианодо ойноп жатат, 2014-жылдын февралы:

Орусиячыл жикчилдер басып алган Донецк облустук администрациясынын имараты. Донецк, 2014-жылдын май айы:

Өз алдынча жарыяланган Донецк элдик республикасынын Донецктин чыга беришиндеги блок-посту, 2014-жылдын май айы:

Донецк элдик республикасынын аскерлери Донецктен чыгып келе жаткан жүк унаасын текшерип жатышат, 2014-жылдын май айы:

Донецк элдик республикасынын аскерлеринин катарына кошулган Донецктин жашоочусу Донецк менен Харьковду бириктирген унаа жолунда, 2014-жылдын май айы:

Донецк аба майданы, аймагындагы алгачкы кагылышууларга төрт күн калганда. 2014-жыл, май:

Донецк аба майданынын бош унаа токтотуу жайы. 2014-жыл, май. Бул сүрөт тартылгандан төрт күн өткөн соң аба майдандын аймагында украин армиясы менен Донецк элдик республикасынын жикчилдеринин ортосунда кагылышуулар башталган. Ал кагылышуулар 2015-жылдын январына чейин созулуп, имаратты урандыларга айланткан:

Донецктеги украинчилдердин нааразычылык акциясы, 2014-жылдын майы. Бул бирдиктүү Украина үчүн Донецктеги акыркы чыгуулардын бири болгон. Бул чатыр сүрөткө тартылгандын эртеси Донецк элдик республикасынын аскерлери тарабынан талкаланган:

Донецктин жашоочусу Донецк облустук прокуратурасынын имаратынын алдындагы баррикаданын жанында, 2014-жылдын май айы:

Киевдин жашоочусу Майдандагы БМПнын жанында. Киев, 2014-жылдын май айы:

Бул бала Днепропетровск шаарынын борбордук көчөлөрүнүн биринде Украинанын желектерин сатып жүрөт, 2014-жыл, май. Днепропетровск Украинанын чыгышында жайгашканына карабастан шаарда жикчилдик маанай анча күчтүү болгон эмес:

Одесса облустук администрациясынын алдындагы бирдиктүү Украинаны колдогон митинг, 2014-жылдын май айы:

Одессанын украинчил жашоочулары өрттөлгөн Профсоюздар үйүнүн имаратынын алдында. 2014-жылдын май айында бул имаратта украинчил жана орусиячыл одессалыктардын айыгышкан кагылышуулары болгон:

Одесса милициясы украинчилдердин 2014-жылдын май айындагы митинги маалында облустук администрациянын имаратын кайтарып жатышат:

Чыгыштан Донецкти көздөй бара жаткан номуру жок аскердик жүк унаасы, 2014-жылдын ноябры:

Украин армиясынын Донецк облусунда өрттөлгөн БМПсы, 2014-жылдын ноябры:

2014-жылдын жайындагы айыгышкан кагылышуулардын жүрүшүндө талкаланган Саур-Могила мемориалдык комплекси. Донецк облусу, 2014-жылдын ноябры:

Донецк облусунун Степановка айылындагы азык-түлүк дүкөнүнүн имаратында ачылган мектеп кабинети. Жергиликтүү мектеп кагылышуулардын жүрүшүндө талкаланган. Степановка айылы 2014-жылдын жайынан бери Донецк элдик республикасынын көзөмөлүндө:

Донецк элдик республикасынын тарапташы. Донецк, 2014-жылдын ноябры:

Жикчилдер басып алган Донецк элдик республикасынын имаратынын кароолчусу, 2014-жыл, ноябрь. Арткы фондо — көпчүлүгүн пенсионерлер түзгөн жергиликтүү жашоочулардын кезек күтүүсү:

Орусиянын курамындагы Түндүк Осетиядан барган аскерлер, Донецк, 2014-жылдын ноябры. Донецк элдик республикасы тарапта согушуп жаткан орусиялыктардын көбү өздөрүн «ыктыярчылар» деп аташат:

Орусиячыл «Восток» батальонунун дарыгери. Казан шаарында туулган, 2014-жылга чейин Санкт-Петербургда жашаган. Орусиянын Ростов-на-Дону шаарынын жанындагы лагерде даярдыктан өткөндөн кийин ал Донецк элдик республикасынын аскерлерине кошулган:

Донецк элдик республикасы үчүн согушуп жаткан кыздар. Сүрөт Донецк облусунун Ясиноватая айылынын жанында тартылган. 2014-жыл, ноябрь:

Донецк элдик республикасынын аскери. Сүрөт Донецк облусунун Ясиноватая айылынын жанында тартылган. 2014-жылдын ноябры:

Донецк элдик республикасынын аскерлери фронттогу өз позициясынын жанында, 2014-жылдын ноябры. Алыскы планда украин армиясынын көзөмөлүндөгү Авдеевка айылынын бир бөлүгү көрүнүп турат: