Бүгүн борбор калаадагы мамлекеттик тарых музейинин алдында “Карылар үчүн дене тарбия” флешмобуна 70ден ашуун карылар катышты. Иш-чаранын жүрүшүндө карылардын канындагы канттын өлчөмү жана кан басымдары текшерилди.
Флешмобду эл аралык HelpAge кайрымдуулук уюму жана Кызыл жарым ай коому уюштурган.
Саат 10до башталган иш-чара эки саатка созулду.
Кан басымдарын жана канттын өлчөмүн текшерүүдөн сырткары кары-картаңдарга дарыгерлик жардам берүүнүн жолдору көрсөтүлдү.
Флешмобдо карылар бийлеп, жөө жүрүү марафонунда өздөрүн көрсөтүштү.
Жеңүүчүлөргө уюштуруучулар тарабынан атайын белектер тапшырылды.
Сүрөт автордуку.