«Азаттык»: Бишкектеги тешик жолдордун азабы

Автор:

13/04/2015

Борбор калаадагы тешилген жолдор айдоочуларды түйшүккө салып келет. Айрыкча коомдук транспорттун айдоочулары жолдогу жыртыктар көкөйгө көк таштай тийгенин айтышат. «Азаттык» ушундай жолдордун айрымдарын гана тартып, сүрөт баян жасаган.

Сүрөт баяндын түп нускасы «Азаттык» радиосунун сайтына жарыяланган.

Бишкектен капкагы жок кудуктарды кадам сайын кезиктирүүгө болот. Үйрөнчүк айдоочулар минтип кирип да кетишет.

Жаш Гвардия бульварынын төмөн жагы. Жибек Жолу менен Ленинград көчөлөрүнүн ортосунан дөңгөлөк тешилет.

Тоголок Молдо, Жибек Жолу жана Ленинград көчөлөрүнүн ортосундагы бөлүгү аң-чөнөктөргө мол.

Капкагы ачык кудуктар же арыктар айрым учурда жол кырсыгына да себеп болуп калат

Чүй проспектисинин башталышы. Ауэзов жана Чолпон-Ата көчөлөрүнүн арасында үй ордундай аңдар көп жылдан бери оңдолбой жатат.

Чүй проспектисинин башы. Жергиликтүүлөр шаар бийлигинен жолду оңдоону талап кыла берип үмүттөрү үзүлгөндөй.

Калаа жолдорундагы аң-чөнөктөрдүн орточо тереңдиги 10 сантиметрдин тегерегинде.

Жал кичи районундагы Тыналиев көчөсү. Ахунбаев жана Түштүк магистралдын ортосу кудум бомба түшкөндөй. Качан жамалары азырынча белгисиз.

Ортоңку Жал. Тешиктер кеңейгендин ичинде.

Мындай тешиктерден өткөндө айдоочулардын ичинен кан өтөт.

Мыйзам боюнча шаардагы негизги жолдордон оор жүк ташуучу унаалар өтпөшү керек. 40 тонналык «Хово» Лермантов көчөсүндө.