Экстремалдык вейкбординг суу спорту боюнча мелдештер 28-июнда Бишкектеги Сүйүү багында өттү. Иш-чарага 15 спортчу катышты, алардын ичинде Орусиянын үч жолку чемпиону Алмаз Смайлкулов дагы болду.
Вейкбординг — өз ичине суу лыжасы, сноуборд, скейт жана сёрфингдин айкалышын камтыган спорттун экстремалдык түрү.
Иш-чара 28-июнда Бишкектин Сүйүү багындагы көлдө өттү — ошол эле жерде On the wake вейкборд-паркы жайгашкан.
Мелдештерге 15 спортчу катышты, алардын ичинде Орусиянын үч жолку чемпиону Алмаз Смайлкулов менен спорттун бул түрү боюнча Кыргызстандагы алгачкы спортчу эсептелген Арслан Нуритдинходжаев дагы болушту.
Уюштуруучулардын айтымдарында, иш-чара спортчулардын арасындагы чемпионат болгон жок, а вейкбордингдин популярдуулугун арттыруу жана спорттун ал түрүн Кыргызстанда колдоого алуу үчүн акча топтоо максатында өткөрүлгөн.
Каалоочулар жагып калган спортчуларын акча берүү менен колдой алышты.
Катышуучулар көлгө орнотулган трамплиндерден секирүү менен сууда түрдүү өнөрлөрүн көрсөтүштү. А Смайлкулов менен Нуритдинходжаев оор секириктерди жасагандан кийин чогулгандар дүркүрөгөн кол чабуулары ыраазычылыктарын билдиришти.
Смайлкулов вейкбординг менен эркин күштө моюнун оорутуп алгандан кийин 7 жыл мурун алектенип баштаган. Ал спортту таштабаш үчүн вейкбордчу болгон.
«Мен керектүү киши менен керектүү учурда таанышып калдым, анан ал мени үйрөтүп баштады, мага жагып калды. А андан кийин спорттук карьера башталды», — деди ал.
Буга чейин Смайлкулов мелдештерге Орусиянын атынан катышып келген, бирок Бишкекке кайтып келгенден кийин Нуритдинходжаев менен бирге Кыргызстанда вейкбордингди өнүктүрүп баштаган.
Алар вейкбордингге көрүүчүлөр менен келечектеги спортчуларды тартуу үчүн ушул сыяктуу иш-чараларды өткөрүшкөн.
«Албетте бул жакка келүүмдүн максаты — бул спортту өнүктүрүп, өзүм жетишкен тажрыйбаларды өсүп келе жаткан муунга берүү. Эң башкысы ушул», — деди ал.
Смайлкулов вейкбордингди экстремалдык спорт түрлөрүнүн ичинен эң коопсузу деп эсептейт. Кыргызстанда ал үч жыл мурун өнүгүп баштаган. Анын айтымында, спортчулардын деңгээли жыл өткөн сайын өсүп жатат.
«Машыктыруучу катары мен тарбиялануучулардын катарына жаңы, эмоциаоналдуу адамдарды кубануу менен кабыл алам», — деди ал.
Вейкборд-парк 2013-жылдан бери иштейт. Азыр парктын аймагында балдарды окутуп, спортчуларды машыктыра турган мектеп бар.
Сүрөт: Тём Колосов
«Фэйсбуктагы» On the Wake тобу
Авторлор: Жибек Кубаныч кызы жана Метин Джумагулов