Автослалом боюнча чемпионаттын экинчи баскычы 19-июлда Жеңиш аянтында өттү. Уюштуруучулардын айтымдарында, бул иш-чара айдоочулардын унаа башкаруу тажрыйбаларын арттырууга багытталган.
19-июлда өткөн иш-чара 200гө жакын көрүүчүлөр менен автосүйүүчүлөрдү чогултту — мелдештер Жеңиш аянтынын жанында, Фрунзе көчөсүнүн бөлүгүндө өткөрүлдү.
Иш-чаранын уюштуруучуларынын бири Екатерина Козелецкаянын айтымында, чемпионат айдоочулардын унаа башкаруу тажрыйбаларын арттырууга жана шаардагы коопсуз кыймылды камсыздоого багытталган.
«Авто жана мото спортун илгерилетүү, айдоочулардын унаа башкаруу тажрыйбаларын жогорулатуу. Мына ушул экөө башкы максат», — деди ал Kloop.kgге берген маегинде.
Жалпысынан мелдеш эки категорияда өткөрүлдү: толук привод (төрт дөңгөлөгү тең аракетте болгон унаалар) жана монопривод (эки гана дөңгөлөгү аракетте болгон унаалар). Биринчи категория боюнча Алексей Веденев «Субару Импреза STi» унаасы менен жеңишке жетсе, монопривод категориясында — Виктор Шинкарёв «Ниссане Сильвия» унаасы менен биринчи болду.
Мелдештин акыркы, үчүнчү баскычы ушул жылдын октябрында болот. Уюштуруучулардын айтымдарында, кийинки баскычта трасса таталыраак болот.
«Бизде автоунаа иш-чаралары, түрдүү мелдештер быйыл эле өткөрүлүп башталган жок, бирок биз кыйла кеңирирээк, пайдалуураак, спорт сыяктуу түрүн баштоо чечимине келдик», — деди Козелецкая.
