Парламенттеги социал-демократтар фракциясынын лидери. Жубайы Нуржан Тентимишова «Борбордук Азия Капитал Банкына» ээлик кылат жана жолдошунун ун салуу бизнесин башкарат.

Жогорку Кеңештин V чакырылышынын төрагасы. Кыргызстандын Агроишкерлер кеңешинин мурдагы төрагасы. Ош облусунун губернатору Сооронбай Жээнбеков менен Кыргызстандын Сауд Аравиясындагы учурдагы элчиси Жусупбек Шериповдун бир тууганы.

КСДПнын республикалык штабынын жетекчиси, ага чейин партиянын Ысык-Көл облусундагы өкүлү болгон.

Жогорку Кеңештин V чакырылышынын депутаты. Парламенттин Эл аралык иштер боюнча комитетинин мүчөсү. 20 жылдык тажрыйбага ээ жактоочу.

Мамлекеттик мүлктү башкаруу боюнча фонддун мурдагы башчысы, учурда Бишкек шаардык кеңешинин төрагасы. Кирешелер тууралуу декларацияга ылайык, 14 үйгө, 7 автоунаага жана кийим тигип сатууга байланышкан бизнеске ээлик кылат.

Ош облусунун Араван райондук ички иштер бөлүмүнүн башчысы. Талапкер тууралуу анын ички иштер органдарында иштегендигинен башка дээрлик эч нерсе белгисиз.

Президент Алмазбек Атамбаевдин басма сөз катчысы. «Азаттык» радиосунун мурдагы журналисти жана «Ыңгайсыз суроолор» берүүсүнүн алып баруучусу.

Кыргызстандын президентинин алдындагы Мамлекеттик сыйлыктар боюнча комиссиянын жооптуу катчысы. «Кыргызтелеком» ААКсынын директорлор кеңешинин мурдагы мүчөсү.

2010-жылдагы апрель революциясынын катышуучусу, «Айкөл Ала-Тоо» коомдук бирикмесинин төрагасы.

«Ар-Намыс» фракциясынан парламенттин депутаты. «Акниет» партиясын негиздеген, бирок кийин парламентке КСДПнын атынан талапкер катары катышуу чечимине келген. Жол коопсуздук эрежелерин бузуу үчүн каралган айып пул өлчөмүн жогорулатуу тууралуу мыйзамдын автору.

Бишкектин экс-мэри, 2010-жылдын апрелиндеги бийлик алмашуудан кийинки алгачкы калаа башчысы. Бишкектин түштүгүндөгү Жеңиш сейил багынын аймагындагы жер тилкелерине кафе, ресторан жана май куюу жайларын курууга уруксат берүүгө байланышкан чырдан кийин өз каалоосу менен кызматтан кеткен. Ал иш боюнча жыйынтыгында акталып чыккан.

Бишкектин Октябрь районундагы билим берүү борборунун директору. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Ар-Намыс» фракциясынан парламент депутаты. Отун-энергетикалык комплекси боюнча парламенттик комитеттин төрагасы. Ала качуу үчүн жазаны катаалдатууга каршы болгон көп эмес депутаттардын бири.

«Республика» партиясынан Ош шаардык кеңешинин төрагасы. «Пэрити Коал» көмүр компаниясынын ээси.

«Ар-Намыс» фракциясынан парламент депутаты. Коргоо жана коопсуздук боюнча парламенттик комитеттин мүчөсү. Ош облусунун мурдагы губернатору, ал кызматты 2005-жылдагы революциянын башында ээлеген болчу.

Журналист. Президенттик «Форум» гезитинин башкы редакторунун мурдагы орун басары. Буга чейин ички иштер министри Мелис Турганбаев «Азаттык» радиосуна курган маегинде Мусабекованын тууганы экенин айткан.

Социал-демократтар партиясынын Чүй облусу боюнча координатору. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Депутат, парламенттин V чакырылышынын вице-спикери. «Салттуу эмес сексуалдык мамилелерди пропагандалоого» каршы «басмырлоочу» мыйзам долбоорунун авторлорунун бири. Укук коргоо органдарынын мурдагы кызматкери. «Азия-Ньюс» гезитине басылып чыккан маалыматка ылайык, кезинде ал зордуктоого шектелген, бирок күнөөсү далилденген эмес.

Учактарга күйүүчү майларды жеткирүү менен алектенген «Газпромнефть-Аэро Кыргызстан» компаниясынын башкы директору.

Ишкер. Өлтүрүлгөн депутат Жыргалбек Сурабалдиевдин кызы. Бишкектеги «Кудайберген» базарынын ээси.

Парламент депутаты. Президенттин алдындагы жарандуулук маселелери боюнча комиссиянын мурдагы жооптуу катчысы. Эки жогорку билимге ээ — архитектор жана юрист.

КСДПнын саясий кеңешинин мүчөсү. Президенттин алдындагы Мамлекеттик тил боюнча улуттук комиссиянын мурдагы төрагасы. Президент Алмазбек Атамбаевдин «Форум» гезитинде башкы редактор болуп иштеген. «Учкун» ААКсында менеджер.

Ош облусундагы Өзгөн шаарынын мэри. Өзгөн мэриясынын «Одноклассники» соцтармагындагы баракчасына жайгаштырылган маалыматтарга караганда Каримов шаардагы коомдук иш-чараларга активдүү катышат.

КСДП партиясынын Талас облусу боюнча координатору. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Кыргызское взморье» пансионатынын директору. Боршайкомдун Ысык-Көл облусундагы мурдагы атайын өкүлү.

Мурдагы энергетика жана өнөр-жай министри. Энергетика тармагындагы каатчылык тууралуу президент Алмазбек Атамбаевдин сын-пикиринен кийин отставкага кеткен.

Мамлекеттик кызмат боюнча мамлекеттик агенттиктин экс-башчысы. Кара-Суу районунун акими Тилекбек Матраимов менен Ош облустук бажысынын башчысы Райымберди Матраимовдун бир тууганы.

Азырынча талапкер тууралуу маалымат белгисиз. Андай маалыматтар эркин булактарда жок. Эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Парламент депутаты. Коррупцияга каршы күрөшүү боюнча профилдик комитеттин төрагасынын орун басары. Мурдагы ички иштер министри Абдылда Суранчиев Жетигеновду криминал менен байланышы бар деп айыптаган, бирок эл өкүлү ай айыптоолорду четке каккан. Оюн-зоок ишмердүүлүгүнө тыюу салууну демилгелеген, андан улам бардык казинолор, оюн-автоматтары жайгашкан жайлар, кийин букмекер кеңселери да жабылган.

«Ата-Журт» фракциясынан парламент депутаты, отун-энергетикалык комплекси боюнча парламенттик комитеттин мүчөсү. Декларацияга ылайык, парламенттин эң бай депутаттарынын бири.

Парламент депутаты. Экономикалык жана фискалдык саясат боюнча парламенттик комитеттин мүчөсү. Парламент имаратында «Ата-Мекендин» лидери Өмүрбек Текебаев менен болгон мушташы менен белгилүү.

Парламент депутаты. Баткен обладминистрациясынын башчысынын мурдагы орун басары. Билими боюнча педагог.

Кызыл-Кыя шаардык кеңешинин төрагасынын орун басары. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Ата-Журт» партиясынан Жалал-Абад облусунун Майлуу-Суу шаарынын мэри. 2015-жылдын башында коррупцияга каршы жетишсиз деңгээлде күрөш жүргүзгөндүгү үчүн деп ага 10 миң сом өлчөмүндөгү административдик айып пул жазылган.

«Түндүкэлектр» ААКсынын башкы директорунун милдетин аткаруучу, «Түндүкэлектр» ААКсынын экономика жана инвестицияларды тартуу боюнча башкы директорунун орун басары.

«Ар-Намыс» фракциясынан парламент депутаты. Этика жана регламент боюнча комитеттин төрайымы. Ала качуу үчүн каралган жазаларды катаалдатуу боюнча мыйзамдын автору.

Нарын облусундагы белгилүү ишкер, меценат. Кыргызстандагы мектеп окуучулары чет тилдерди окушу керек деген идеянын тарапташы.

Парламенттин V чакырылышынын депутаты. Мыйзамдуулук, укук тартиби жана кылмыштуулукка каршы күрөшүү боюнча комитеттин мүчөсү. Конституциялык палатанын судьясы Клара Сооронкулованы отставкага кетирүү боюнча жыйында депутат Равшан Жээнбеков менен уруша кетейин деген. Султанов 2015-жылдын августунда ЖКК кызматкерин сөгүп, коркутуп жаткандыгы тартылган видеонун каарманы.

«Республика – Ата-Журт» - 28 мандат

«Республика — Ата-Журт» партиясынын лидери. Кыргызстандын мурдагы премьер-министри. Отставкага 2012-жылы коррупциялык чырдан кийин кеткен — «Ата Мекендин» маалыматы боюнча, ал бир аргымакты пара катары алган, бул үчүн «Манас» аба майданына жаңы аэронавигациялык мунара курууга түрк компаниясына уруксат берген. Бул чырдан улам парламенттик көпчүлүк коалициясы тарап, Бабанов отставкага кеткен. «Кыргызстан» коммерициялык банкы менен Бишкектеги «Азамат» автоунаа базарынын ээси. 2014-жылы анын каражатына Орусиянын Пенза шаарында цемент заводу курулган, бул маалыматты ал КТКРдагы дебаттын жүрүшүндө мойнуна алган.

«Ата-Журт» партиясынын мүчөсү болгон. 2010-жылы ал партиянын тизмесинде Жогорку Кеңештин депутаттыгына талапкер болгон.

«Народный» супермаркеттер түйүнүнө жана «Промзона» клубуна ээлик кылган «Forester» ЖЧКсынын башкы директору. Кыргыз-Орус Славян университетинин ректору Владимир Нифадьевдин уулу.

Ленин районунун мурдагы акими, Бишкек шаарынын мэринин орун басарынын милдетин аткаруучу. 2010-2011-жылдары Жогорку Кеңештин депутаты болгон, бирок өз каалоосу менен мандатынан баш тартып, кийин аким болуп дайындалган.

«Ата-Журт» партиясынан Жогорку Кеңештин депутаты. 2000-жылдан 2010-жылга чейинки аралыкта Баткен, Чүй жана Жалал-Абад облустарынын прокуратура органдарында иштеген. Андагы акыркы кызматы — Тогуз-Торо районунун прокурору. Жогорку Кеңештин Москвадагы атайын өкүлчүлүгүн ачуунун демилгечиси болгон — азыр ал иш боюнча экс-спикер Акматбек Келдибеков соттолууда. Камчыбек Ташиев жана Садыр Жапаров менен бирге күч колдонуп бийликти басып алууга айыпталган, бирок акталып чыккан.

«Манас» аба майданынын мурдагы башкармалыгынын мүчөсү «Ак-Шумкар» партиясынын мурдагы мүчөсү. Kloop.kgнин дебаттарына катышкан.

Парламенттеги «Республика» фракциясынын лидери. 1992-жылдан баштап ар кайсыл убактарда Бишкектеги музыкалык мектептин директору, ишкер, «Асфальтобетон» ААКсынын коммерциялык директору, «Манас» аба майданынын Оштогу өкүлчүлүгүн материалдык-техникалык камсыздоо бөлүмүнүн жетекчиси, «Кыргызжилкоммунсоюз» мамлекеттик ишканасынын сатып алуу бөлүмүнүн жетекчиси болгон. Расмий сапарлар маалында улуттук кийимдерди чет өлкөлүк конокторго белекке берүүгө тыюу салуу мыйзамын кабыл алууну сунуштаган — бул идеясын кийимдердин «баалуулугун төмөндөнпөө» менен түшүндүргөн.

Социалдык маселелер боюнча Кыргызстандын мурдагы вице-премьер-министри. «Ар-Намыс» фракциясынан Жогорку Кеңештин мурдагы депутаты. Акушер-гинеколог, репродуктолог. Жеке клиникасынын директору.

Баткен облусунун Лейлек районунда ишкер. Талапкер тууралуу азырынча кошумча маалыматтар жок. Эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Тышкы иштер министрлигинин мурдагы башчысы. Партиялар бириккенге чейин «Республиканын» мүчөсү болгон. Кыргызстандын Стамбулдагы мурдагы башкы консулу.

Бишкек шаардык сотунун мурдагы судьясы. Бийликти күч колдонуп басып алуу аракетине айыпталган «Ата-Журттун» депутаттары Камчыбек Ташиев, Садыр Жапаров жана Талант Мамытовго карата актоо өкүмүн чыгарган судьялардын бири. Соттун чечиминен кийин Зулушев депутаттар менен жеке тааныш эмес экенин, а өкүм судьялардын «ички ишенимдери боюнча» чыгарылганын билдирген. Актоо өкүмүнөн кийин ал дагы бир судья Медер Сатиев менен бирге кызматынан алынган. Өзүнүн кызматтан алынышын ал мыйзамсыз деп эсептеп келген.

«Ата-Журт» партиясынан парламент депутаты. «Ак-Жол» партиясынан экс-депутат. «Асман-Тур» туристтик компаниясынын негиздөөчүсү. 2010-жылдагы бийлик алмашуудан кийин өлкөдөн качып кеткен жана 7-апрелде массалык түрдө жарандарга ок чыгаруу иши боюнча 15 жылга катуу режимдеги колонияга сыртынан кесилген Кыргызстандын мурдагы премьер-министри Данияр Үсөновдун жубайы. 2009-жылы Исаева «Агым» гезитинин версиясы боюнча, өлкөнүн эң бай айымдарынын тизмесине кирген.

«Востокэлектр» ишканасынын мурдагы башкы директору, кызматынан Мамлекеттик мүлктү башкаруу фонду тарабынан компаниянын директорлор кеңешине аны кызматтан алуу сунушу жазылган кат келгенден кийин кеткен. «Республиканын» мүчөсү болгон. «СтройАрсенал» ЖЧКсынын башкы директору.

«Эл аралык «Манас» аба майданы» ААКсынын экс-президенти; ишкер (май куюу комплексинин ээси). Прокуратура тарабынан («Манастын» президенти болуп турган кезде) аба майдандын май куюу комплексин сатуу максатында аба майдандын башкармалыгынын мүчөлөрү менен көмүскө бүтүмгө барган деп айыпталган. Мурдагы президент Бакиевдин кеңешчиси Үсөн Сыдыковдун уулу.

«Республика» партиясынан Жогорку Кеңештин депутаты. Советтик армиянын катарында Ооганстанда кызмат өтөгөн, 90-жылдары ишкерлик менен алектене баштаган, 2000-жылдардын башында Талас облусунун фермерлер ассоциациясынын төрагасы болгон. Апрель окуяларына чейин беш жыл Талас облусундагы Аманбаев айыл өкмөтүнүн башчысы болгон, революциядан кийин депутат болуп шайланган. Мыйзамдуулук, укук тартиби жана кылмыштуулукка каршы күрөшүү боюнча парламенттик комитеттин төрагасы.

Азырынча талапкер тууралуу маалыматтар белгисиз. Эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Ата-Журттан» парламент депутаты. Ишкер, депутаттар Марат Султановдун жардамчысы, Акматбек Келдибековдун кеңешчиси, Кыргызстандын Казан шаарындагы консулу, Мамлекеттик каттоо кызматында бөлүм башчы болгон. 2013-жылы Саматовдун жардамчысы Бишкектин борборунда үч кишинин өмүрүн алып кеткен жол кырсыгы үчүн 11 жылга эркинен ажыратылган. 2011-жылы БШКнын мурдагы төрагасы Акылбек Сариев Саматов Орусиянын жараны экенин жана мандатын тапшырышы керектигин билдирген, бирок депутат ал маалыматтарды четке каккан.

Азырынча талапкер тууралуу маалыматтар белгисиз. Эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Монополияга каршы көзөмөл агенттигинин мурдагы статс-катчысы, «Манас» аба майданынын бажысынын экс-башчысы, Жогорку Кеңештин экс-депутаты.

Коомдук ишмер. «Республика — Ата-Журт» партиясынын саясий кеңешинин мүчөсү. Азырынча талапкер тууралуу кошумча маалыматтар белгисиз.

Өткөн парламенттик шайлоодо «Бүтүн Кыргызстан» партиясынын талапкерлер тизмесинде болгон. «Жаңы Кыргызстан» партиясынын Ош облусу боюнча экс-координатору. 2011-жылы коммунисттердин лидери Исхак Масалиев жана экс-президент Бакиевдин администрация башчысы Үсөн Сыдыков менен бирге 2010-жылдагы башаламандыктар маалында бийликти күч колдонуп басып алууну уюштурган деп айыпталып, бирок сот тарабынан акталып чыккан.

«Ак-Жол» партиясынан Жогорку Кеңештин экс-депутаты. 2010-жылдан бери «Республика» партиясынын мүчөсү. Кыргызстандын Эркин күрөш боюнча федерациясынын вице-президенти. Ага чейин шаардык кеңештин депутаты жана ишкер болгон.

2005-жылы Ош облусундагы Жапалак  айыл аймагынын башчысын шайлоодо талапкер болгон. Жеңилгенден кийин анын 50гө жакын тарапташы шайлоонун жыйынтыгын жокко чыгаруу талабы менен митингге чыгышкан. 2012-жылы «Республика» партиясынан Ош шаардык кеңешине депутаттыкка талапкер болгон.

MARYOTEL мейманканасынын, «Мэри» жана «Алтын Казына» ресторандарынын башкы директору. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Бишкек шаардык кеңешинин депутаты. Боксчу. Дене тарбия жана спорт боюнча мамлекеттик агенттиктин экс-директору. Кыргызстандын Алматыдагы мурдагы консулу. Бокс федерациясынын экс-президенти.

«Ата-Журт» партиясынан парламент депутаты. «Манас» аба майданынын бажы көзөмөлүнүн мурдагы улук инспектору. Монголиянын Кыргызстандагы мурдагы ардактуу консулу. 2011-жылы депутаттын «Твиттеринде» ал унаасын мас абалында башкарып бара жатып, токтоткон МАИ кызматкерине «ксива көрсөткөн соң» аны коё бергендиги тууралуу билдирүү пайда болгон. Кийинчерээк Чолпонбаев анын аккаунтун «душмандары» бузуп кергендигин айткан. 2011-жылдын аягында «Фэйсбук» социалдык түйүнүндө ал кездеги парламент төрагасы Акматбек Келдибеков экөөнүн кыргыз криминал төбөлдөрүнүн бири Камчы Көлбаев менен түшкөн сүрөтү жарыяланган. Кийин Чолпонбаев уюшкан кылмыштуу топтун лидери менен Ысык-Көлдө жолукканын ырастап, бирок «Көлбаевдин кантип ал жакта болуп калганын билбестигин» айткан.

Ош облусунун Араван районунун мурдагы акими. Кызматынан расмий түрдө ал 2014-жылдын ноябрында өз каалоосу менен кеткен, бирок кээ бир ЖМКлар анын кызматтан кетишин жергиликтүү мектептердин бириндеги болгон көрүнүшкө байланыштырышкан. Анда окуу жайдын юбилейин белгилөө учурунда Өзбекстандын гимни коюлган имиш, бирок бул маалыматты Артыковдун өзү четке кагып келет.

Оштогу санитардык-эпидемиологиялык борбордук башкы дарыгери. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Кыргызстан» - 18 мандат

«Кыргызстан» партиясынын төрагасы. Өкмөттүн Чүй облусундагы мурдагы ыйгарым укуктуу өкүлү. Токмок шаарынын экс-мэри. «Республика» партиясынан парламенттин V чакырылышынын мурдагы депутаты. 2011-жылы парламенттик көпчүлүк коалициясынын төрагасы болгон.

Жогорку Кеңештин  IV чакырылышындагы «Ак-Жол» фракциясынын экс-лидери. 2011-2012-жылдары Жалал-Абад облусун жетектеген. «Кыргызстанга» мүчө болгонго чейин «Бир Бол» партиясында болчу.

«Республика» партиясынан Жогорку Кеңештин депутаты. Бишкек шаардык кеңешинин мурдагы депутаты. Ага чейин Каржы министрлигинде жетектөөчү адис кызматын аркалаган.

Парламенттин V чакырылышынын вице-спикери, Жогорку Кеңешке «Республиканын» курамында барган. Өлтүрүлгөн депутат Баяман Эркинбаевдин жубайы. Кыргызстандын атайын кызматы тергөөнүн жыйынтыгында анын өлүмү «Кыргызстандын түштүгүндөгү маңзатын көзөмөлдөөгө» байланыштуу болгонун билдирген.

«Агромет» ЖЧКсынын башкы директору. Ош шаарындагы жеке төрөт үйүнүн ээси. Калмаматовдун айтымында, анын баасы бир миллион долларды түзөт.

«Союз ССР» партиясынын мурдагы башчысы, Азия медициналык институтунун негиздөөчүсү. Парламенттик шайлоонун алдында дароо эки партиянын тизмесине түшүп калган - «Ар-Намыс» жана «Кыргызстан». Кийин ал талапкер катары баруу үчүн «Ар-Намыс» партиясын караштырганын, бирок жыйынтыгында «Кыргызстанды» тандап алганын түшүндүргөн.

«Ата-Журт» парламенттик фракциясынын лидери. Ага чейин Өзгөчө кырдаалдар министрлигинде иштеген. Билими боюнча юрист.

Талапкер тууралуу азырынча маалымат белгисиз. Эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Жеке ишкер. Бир катар ЖМКлардагы маалыматтар боюнча, Кочкор районундагы таасирдүү адамдардын бири болуп эсептелет. Мурда КСДПнын өкүлү болгон. «Вечерний Бишкек» анын туугандары Бишкектеги «Тюбетейка» жана «Кайнар» ресторандарына ээлик кылышат деп ишендирүүдө.

Сауналар түйүнүнүн («Байтур» жана «Афродита»), «Төө Ашуу» тоо лыжа базасынын, Суусамыр өрөөнүндөгү кымыз менен дарылоо базасынын жана «Кожомкул» коомдук фондунун президенти. Билими боюнча экономист.

«Манас» аба майданынын бажысынын мурдагы начальниги. Талапкер тууралуу кошумча маалымат жок.

Жогорку Кеңештин депутаты, парламентке «Республика» партиясынын курамы менен өткөн. Учурда «Ынтымак» депутаттык тобунун курамында. Бюджет жана каржы комитетинин мүчөсү. Билими боюнча экономист.

Энергетика жана өнөр жай министринин орун басары. Ага чейин өкмөттүн Ысык-Көл облусундагы ыйгарым укуктуу өкүлү болгон. Мурда ишкердик менен алектенген. Кезинде «Замандаш» партиясынын мүчөсү болгон.

Жогорку Кеңештин IV чакырылышындагы «Ак-Жол» партиясынан экс-депутат. «Республика» партиясынын курамында болгон. «Мегаком» уюлдук операторуна ээлик кылган «БиМоКом» компаниясынын башкы директорунун кеңешчиси болгон. Грек-рим күрөшү боюнча спорттун чебери.

Кыргызстандын Эсеп палатасынын текшерүүчүсү. 2005-жылдан 2011-жылга чейин Жогорку Кеңештин кызматкери болгон. 2015-жылдын жазында Башкы прокуратура «Алдамчылык» жана «Жасалма документтерди пайдалануу» беренелери менен ага каршы кылмыш ишин козгогон — прокуратуранын версиясы боюнча, ал тиешелүү эмгек тажрыйбасы жок эле текшерүүчү болуп дайындалган. Курал-жарак сактагандыгы жана адам саламаттыгына атайылап зыян келтиргендиги үчүн соттолгон.

Жогорку Кеңештин аппарат жетекчисинин орун басары. Парламентте 2007-жылдан бери иштейт. Ага чейин премьер-министрдин аппаратында иштеген. Кызмат абалын ашыкча пайдалануу айыбы менен соттолуп, бирок кийин акталып чыккан мурдагы жаратылыш ресурстары министри жана парламенттин экс-депутаты Замирбек Эсенамановдун кызы.

Жогорку Кеңештин депутаты. Парламентке «Республика» партиясынын тизмеси менен өткөн, учурда болсо «Ынтымак» депутаттык тобунун мүчөсү болуп эсептелет. Коргоо жана коопсуздук комитетинин төрагасы. Ага чейин Экономика министрлигинде жана салык инспекциясында иштеген.

Бишкектин Свердлов райондук ички иштер башкармалыгынын мурдагы башчысы, милициянын полковниги. Президенттин мурдагы аппарат башчысы Медет Садыркуловдун өлүмүнө байланышкан иште айыпталуучу катары өткөн, бирок кийин акталган.

«Өнүгүү-Прогресс» - 13 мандат

Парламенттин V чакырылышынын «Республика» партиясынын тизмеси менен шайланган депутаты. Фракция ичиндеги ички пикир келишпөөчүлүктөрдөн кийин «Өнүгүү-Прогресс» партиясын негиздеген. Агасы Аскар Төрөбаев — Экономикалык кылмыштарга каршы күрөшүү боюнча мамлекеттик кызматтын башчысынын орун басары, экинчи бир тууганы Батыр ун өндүрүүчүлөр ассоцациясын жетектейт. Атасы — Эргеш Төрөбаев — Аскар Акаевдин учурунда парламент депутаты болгон. 2002-жылы «АКИпресс» аны Кыргызстандын 100 бай адамынын тизмесине киргизген — анда ал «Жалал-Абад электр түйүндөр ишканасынын» башчысы кызматын ээлеп турган. Токтогул, Күрп-Сай жана Шамалды-Сай ГЭСтерин курууга катышкан эмгек сиңирген энергетик.

Балыкчылык ишкер. Курулуш ишканасын жетектейт.  Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Кыргызстандын коммунисттер партиясынын» төрагасы. 2011-жылы Кыргызстандын президентин шайлоодо талапкерлигин койгон. Быйылкы парламенттик шайлоого чейин Мамлекеттик салык кызматын башкарган. Курманбек Бакиевдин кезинде парламенттин III жана IV чакырылышынын депутаты болгон. Кыргыз ССРинин коммунисттер партиясынын Борбордук комитетинин биринчи секретары Абсамат Масалиевдин уулу.

Алкоголь өндүрүү боюнча «Кыргыз Коньягы» ишканасынын жетекчиси.

«Республика» партиясынан парламенттин V чакырылышынын депутаты. Кийинчерээк «Өнүгүү-Прогресске» кошулган. Дээрлик 20 жыл бою прокуратура органдарында иштеген. Депутат кезинде соттук маселелер боюнча комитеттин мүчөсү болгон.

Жалал-Абад облусунун Аксы районундагы көмүр өндүрүү боюнча «Тегене» ишканасынын жетекчиси. «Айкөлдүк» кайрымдуулук фондунун «Жылдын меценаты» сыйлыгынын лауреаты болгон.

2000-жылы парламент депутаты, бюджет комитетинин мүчөсү болгон. «Жолчу» акционердик коомунун төрагасы. Эмгек сиңирген куруучу наамына ээ.

2010-жылдагы улуттар аралык кагылышуулардан кийин Кыргызстандан качып кеткен «Ак-Жол» партиясынын мурдагы депутаты Алишер Сабировдун жубайы. Сабированын өзү талапкер катары эки жолу парламенттик шайлоого катышууга аракет кылган, бирок ал аракеттери ийгиликсиз болгон. Анын атына Подмосковьедеги ресторан бизнеси катталган, бирок ал добуш берүү күнүнө эки апта калганда жоюлган же башка бирөөнүн атына которулган. Орусиянын жарандыгына ээ.

«Республика» партиясынан парламенттин V чакырылышынын депутаты. Кийин «Өнүгүү-Прогресс» партиясына кирген. Транспорт, байланыш, архитектура жана курулуш боюнча парламенттик комитеттин мүчөсү. Онлайн-казинолор менен букмекер кеңселерине каршы болгон.

Ысык-Көл облусундагы Тамга айыл аймагынын башчысы. Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

Парламенттин III чакырылышынын депутаты. Волейбол федерациясынын президенти. 100 млн. доллардан ашык байлыгы менен бир нече жолу Кыргызстандын эң бай адамдарынын тизмелерине кирген. Көмүр кендерин иштеп чыгуу менен алектенген “Беш-Сары” ЖЧКсынын башчысы. Бишкектеги Ош базарында жайгашкан “Беш-Сары” соода борборунун ээси. Базардын кызматкерлеринин бири аны зордуктоого жана сабоого айыптап, милицияга арыз менен кайрылган. Бирок бир нече күндөн кийин ал өз арызын кайра алган. Архитектура жана курулуш агенттиги “Беш-Сары” компаниясын соода борборунун кошумча кабатын уруксатсыз курган деп айыптаган. 

Ош облусунун мамадминистрациясынын башчысынын орун басары. Узак убакыт бою Ош облустук билим берүү башкармалыгын жетектеген. «Кыргыз тилдүү мектептер үчүн жат жазуулар жыйнагынын» автору.

Кыргызстандын Суу чарба жана мелиорация боюнча мамлекеттик комитетинин мурдагы төрагасы. Жогорку Кеңештин III жана IV чакырылыштарынын депутаты. «Ак-Жол» партиясынын мүчөсү болгон, кийин «Ата-Журтка» кирген. Депутат кезинде Кыргызстандын жарандарын бардык расмий иш-чараларда өлкөнүн гимнин ырдоого милдеттендирген мыйзам долбоорун демилгелеген. 1994-жылдан 2003-жылга чейин Оштун салык инспекциясында түрдүү кызматтарда иштеген.

«Бир Бол» - 12 мандат:

«Ата-Журт» партиясынан парламент депутаты, мыйзамдуулук, укук тартиби жана кылмыштуулукка каршы күрөшүү боюнча парламенттик комитеттин төрагасы. Бир аз убакыт парламентте «Ата-Журт» фракциясын жетектеген. 2002-жылдан 2005-жылга чейин Башкы прокуратураны башкарган. 2006-жылдан 2007-жылга чейин президент Курманбек Бакиевдин администрация жетекчиси болгон.

«Республика» партиясынан парламент депутаты, бюджет жана финансы комитетинин төрагасынын орун басары. Парламентте бир аз убакыт «Республика» фракциясын жетектеген. «Ата-Журт» партиясынын лидери Камчыбек Ташиев менен уруша кеткендиги менен белгилүү.

Бийликтен куулган президент Курманбек Бакиевдин убагындагы экс-премьер-министр, «Кыргызгаз» мамлекеттик ишканасын жетектеген, дээрлик бир жыл Өнөр жай, энергетика жана отун ресурстары министри болгон. 2009-жылдын аягында, Бакиевдин мамлекеттик башкаруу реформаларынан кийин ал Максим Бакиевдин башкаруусундагы Инвестициялар жана инновацияларды өнүктүрүү боюнча Кыргызстандын борбордук агенттигинин алдындагы Өнүктүрүү фондунун башчысы болгон. 2010-жылдын апрелиндеги бийлик алмашуудан кийин ал каржы алдамчылыктарына айыпталып, издөөгө жарыяланган, бирок кийин ага тагылган айыптардын бардыгы тең алынган. 2015-жылдын сентябрында үгүт иштери башталары менен Башкы прокуратура Боршайкомдон депутат Карганбек Самаков менен 2008-жылдагы «мыйзамсыз жер тилкелерин трансформациялоо» иши боюнча Чудиновду камакка алууга уруксат берүүсүн өтүнгөн — тергөөнүн версиясы боюнча, жер тилкелерин жеке менчикке берүү маселелери экс-премьердин компетенциясына кирген.

Укук коргоочу, «Адилет укуктук клиникасы» коомдук фондунун башчысы. Тарых илимдеринин кандидаты, юрист. «Бир Болдун» тизмесине киргенге чейин ал «ЕвразияНет» басылмасына берген маегинде парламенттин 6-чакырылышы «базаркомдор менен билимсиз адамдарга толтура болот» деп билдирген.

Мурдагы каржы министри жана парламенттин экинчи жана бешинчи чакырылышынын депутаты. «Ар-Намыс» партиясынын мүчөсү болгон. Анын демилгелеринин бири — койлорго паспорт берүү — жарандардын арасында тамашалардын айтылышына шылтоо болгон. Кыргыз тилдүү гезиттердин маалыматтары боюнча, ал Кыргызстандын бай адамдарынын алдыңкы ондугуна кирет.

Мурдагы энергетика жана өнөр жай министри, Аскар Акаевдин убагында каржы министринин орун басары, Курманбек Бакиевдин убагында парламенттин депутаты болгон. Учурда «Бир Бол» партиясынын саясий кеңешинин мүчөсү. «Асман-пресс» гезитинин версиясы боюнча, Кыргызстандын эң бай адамдарынын алдыңкы жүздүгүнө кирет.

Өмүрбек Бабановдун өкмөтүндө «Ата-Журт» фракциясынын мандаты менен Мамлекеттик каттоо кызматын жетектеген. Кызматтан «Ата-Журт» парламенттик коалицияга кирбей калгандан кийин кеткен. Дээрлик 10 жыл коопсуздук органдарында иштеген.

«Бир Бол» партиясынын басма сөз катчысы. КТРКда жаңылыктардын диктору, «Ала-Тоо» маалымат программасынын алып баруучусу жана редактору, ошондой эле түркиялык TRT телеканалында жаңылыктардын алып баруучусу болгон.

«Республика» партиясынан парламент депутаты, экономика тармактарын өнүктүрүү боюнча комитеттин төрагасы. 2011-жылдын аягында ага каршы 2008-2010-жылдары «Кыргызнефтегаз» акционердик коомун башкарып турган кезде мамлекетке мүлктүк зыян келтирген жана кызмат абалын ашыкча пайдаланган деген айыптар менен кылмыш иши козголгон. Учурда ал иш убактылуу токтотулган.

Кыргызстандын мурдагы транспорт жана байланыш министри. Аскар Акаевдин убагында өкмөттө жогорку кызматтарды ээлеген. Акаевдин администрациясын жетектеген, Жалал-Абад облусунун губернатору болгон. 2005-жылдын мартындагы бийлик алмашуудан кийин 10 жыл бою эч кандай мамлекеттик кызматтарда болгон эмес.

Мамлекеттик инспектор, Эсеп палатасынын аймактык бөлүмүнүн жетекчиси. 2005-жылы президент Курманбек Бакиевдин иш башкармалыгынын башчысы болгон.

Азырынча талапкер тууралуу калган маалыматтар белгисиз, эгер сиздер билсеңиздер пикир катары материалдын төмөн жагына жазып калтырып, маалыматты толуктасаңыздар болот.

«Ата Мекен» - 11 мандат:

«Ата Мекен» партиясынын лидери, парламенттин III чакырылышынын төрагасы болгон. 2010-жылдын апрелиндеги бийлик алмашууну жана башкаруу формасын парламенттикке алмаштырууну демилгелегендердин бири. Бир катар эксперттер менен ЖМКлар аны «эң таасирдүү» парламентарий деп айтып жүрүшөт.

«Курманжан Датка» тасмасынын режиссеру, мурдагы маданият жана маалымат министри, Кыргызстандын кинематографисттер союзунун төрагасы, депутат Болот Шердин бир тууганы.

Кыргызстандын мурдагы башкы прокурору, мурдагы юстиция министри, депутаттар менен мамлекеттик чиновниктерге каршы көптөгөн кылмыш иштерин козгогондугу менен белгилүү.

«Ата Мекен» фракциясынан парламент депутаты, адам укуктары, конституциялык мыйзам жана мамлекеттик түзүлүш боюнча парламенттик комитеттин төрагасы.

Кыргызстандын экс-премьер-министри, окумуштуу жана Аскар Акаевдин убагында президенттин алдындагы Инвестицияларды тартуу боюнча агенттиктин мурдагы башчысы.

«Ата Мекен» фракциясынан парламент депутаты, эл аралык иштер боюнча комитеттин төрагасынын орун басары жана Текебаевдин жакын санаалаштарынын бири.

«Ата-Журт» фракциясынан парламент депутаты, Кыргызстан дунгандары коомдук бирикмесинин президенти.

«Дасмия» этно-көңүл ачуучу комплексине ээлик кылган «Дасмия» компаниясынын президенти, мурдагы маданият, маалымат жана туризм министри Турусбек Мамашевдин кызы. 

«Ата Мекен» фракциясынан парламент депутаты, Жогорку Кеңештин агрардык саясат, суу ресурстары, экология жана аймактарды өнүктүрүү боюнча комитетинин төрагасы.

Мурдагы юстиция министри, «Кумтөрдүн» улутташтырылышынын тарапташтарынын бири жана Текебаевдин жакын санаалаштарынын бири.

Чакмак кант өндүрүү боюнча «Бай элим компани» компаниясынын директору. Талапкер боюнча калган маалыматтар азырынча белгисиз.