Бишкектин борборунда үч жолу ок атуу менен белгисиз эркек кишини атып кетишти. Милициянын болжолдуу маалыматы боюнча, ал Камчы Көлбаевдин кылмыштуу тобунун мүчөсү болгон.
Окуя 1-февраль күнү кечинде Бөкөнбаев жана Исанов көчөлөрүнүн кесилишинде болгон — белгисиз этникалык түрктү үч жолу атып өлтүрүшкөн.
ИИМдин басма сөз кызматынын өкүлү Kloop.kgге өлтүрүлгөн адам криминал төбөлү Камчы Көлбаевдин уюшкан кылмыштуу тобунун мүчөсү болгонун билдирди.
Ал көп кабаттуу үйдүн экинчи кабатында жайгашкан компаниялардын биринин кеңсесинин кире беришинде өлтүрүлгөн.
Милиционерлер күбөлөрдү суракка алып, учурда шектүүлөрдү колго түшүрүү боюнча ыкчам иликтөө иш-чаралары жүргүзүлүүдө.
Камчы Көлбаев — кыргыз криминал төбөлү. 2011-жылы АКШ бийлиги аны дүйнөнүн ири баңгитөбөлдөрүнүн кар тизмесине киргизген.
Ал 2014-жылдын июнунда эркиндикке чыккан, учурда Кыргызстанда.