Кыска метраждуу «Кыял» тасмасынын каарманы Нургазы Нью-Йоркто жүрөт. Ал тартылган тасма эл аралык Webby Awards сыйлыгынын «Элдин добушу» категориясында «Мыкты тасма» номинациясын утуп алган. Уланбек Эгизбаевдин сүрөттөрү.
Макаланын түп нускасы «Азаттык» радиосунун сайтына чыккан.
«Кыял» видеотасмасында Нарын облусунун Кочкор районунда жашаган мүмкүнчүлүгү чектелген Нургазы аттуу бала жөнүндө айтылат. Ал алыскы айылда жашайт, мектепке чейин мурда талкаланган жол аркылуу майыптар арабасы менен кыйналып барып келчү. «Элим барсыңбынын» ыктыярчылары ага квадроцикл белек кылышкан, эми Нургазы сабактарга эч качан кечиктей тургандыгын убадалоодо.
Тасма сыйлыкка көрсөтүлгөн башка төрт тасманын катарында болгон. Анда «Кыял» үчүн 2 миллион 300 миң киши добуш берген. Сынакка дүйнөнүн 65 өлкөсүнөн тартылган 13 миң видеоматериал катышкан.
Нургазы тууралуу экинчи видеоматериал социалдык түйүндөрдө кызуу талкууларды жараткан. «Настоящее Времянын» Фейсбуктагы баракчасынан аны 236 341 жолу көрүшүп, 4172 жолу бөлүшүшкөн, а «Аль-Джазира» каналы аны англис тилине которгон. Каналдын баракчасынан аны 790 024 жолу көрүшүп, 5 396 жолу бөлүшүшкөн.
