1-июнда Бишкекте майрамдалган Эл аралык балдарды коргоо күнүндө цирк оюндары, спектаклдер, концерттер жана сынактар болду. Kloop.kgнин кабарчысы шаардын борбордук бөлүктөрүндө өткөрүлгөн иш-чараларда болуп келди.
Бишкек мэриясы Эл аралык балдарды коргоо күнүнө карата борбордун жаш тургундары үчүн оюн-зоок программаларды уюштуруп, анда 25 миңден ашык бала майрамдады.
Эски аянтта балдарга түрдүү оюн-зооктор көрсөтүлгөн «Балдар майрамы» болду. Бирок балдар андан башка көптөгөн жерлерде да көңүл ачып, ойной алышты — шаардын көчөлөрүндө адамдар көп болуп, сынактар, мастер-класстар жана спорттук мелдештер өттү.
Ошондой эле балдар үчүн кыргыз эстрадасынын жылдыздары, клоундор жана драмалык театрдын актерлору өнөрлөрүн көрсөтүштү. «Россия» кинотеатры бул күндү мультфильмерди көрсөтүүгө арнады, а Улуттук көркөм сүрөт музейи кичинекей балдардын сүрөттөрүнүн сынагын өткөрүп, оюнчуктарды жабыштырып жасоо жана токууга үйрөткөн сабактарды уюштурду.
Андан сырткары балдарга балмуздактарды беришип, аба шарлары жана китептер белекке берилди. Бирок айрым балдар өз майрамында шарларды, балмуздак жана оюнчуктарды сатып иштешти.
«Мен 9 жаштамын, апама жардам берем. Ал башка жакта сатат. Уюштуруучулар мага оюнчуктарды сунушташты, бирок мен аларды алган жокмун. Бул менин майрамым, бирок белектерди каалабайм, үйүмдө көп», — деди Мунайым.
Автор: Бактыгуль Ракымбаева