Ошто «Этномаданият» аталышындагы алгачкы маданий фестиваль кол өнөрчүлүк, тамак-аштарды жасоо жана улуттук кийим-кечелерди тигүү боюнча мастер-класстар менен коштолууда.
Эл аралык «Этномаданият» фестивалы Ошто 2-июнда башталды. Алгачкы күнү миңден ашык кишини чогулткан маданий иш-чара Кыргызстандын түштүк борборунун алты аянтында өтүүдө.
Анын өзгөчөлүгү маданият ишмерлеринин эки күн бою шаар тургундарын салттуу кыргыз чыгармачылыгы жана турмуш-тиричилиги менен тааныштыргандыгында.
Фестивалдын катышуучулары балдар менен ата-энелерди турмушта колдонулуучу искусствого, улуттук тамак-аштар менен кийим-кечектерди даярдоого үйрөтүп, келгендерге мастер-класстарды көрсөтүп жатышат.
Чыгармачыл жамааттар менен ансамблдер оозеки элдик чыгармачылыктын байлыгын даңазалап ырдап, бийлеп жатышат, а улуттук ырым-жырымдарды аткаруучулар көчмөндөр ойногон оюндарды көрсөтүшүүдө.
Шаардыктар менен фестивалдын коноктору түрдүү рецепттер менен жасалган улуттук тамактардан бекер даам тата алышат.
Уюштуруучулардын айтымдарында, фестиваль Тарых жана маданият жылынын алкагында өтүүдө жана ал 3-июнь күнү Ош шаарынын борбордук аянтындагы гала-концерт менен аяктайт.
