BASICOLORS арт тобунун сүрөтчүлөрү Күрөңкеев атындагы музыкалык окуу жайдын дубалына дарак отургузуп жаткан баланын сүрөтүн тартышты. Граффити, авторлордун ойлонуштурганы боюнча, жашоочуларга Бишкектин СССРдин эң жашыл шаарларынын бири катары таанылган улуулугун эстетип турушу керек.
BASICOLORS арт тобунун жетекчиси Виктор Цойдун айтымында, граффитинин темасын шаардыктар өздөрү сунушташкан. Беш метрлик граффитини тартуу менен беш сүрөтчү беш күн бою алектенишкен.
«Ар бири өз тематикасы боюнча тартып жатышты. Жыйынтыгында гармониялуу сүрөт пайда болду», — деди Цой. Айтымында, сүрөт бекер тартылган.
Сүрөтчүлөрдүн ойлонуштурулганы боюнча граффити борбор калаанын тургундарына «Бишкектин СССРдин эң жашыл шаарларынын бири катары таанылган улуулугун» эстетип турушу керек.
BASICOLORS арт тобу граффити менен он жылдан бери алектенип келет. Алар көбүнчө коомдук көйгөйлөргө — айлана-чөйрөнүн булгануусу, үй-бүлөдөгү зордук-зомбулук, баңгизатка көз карандылык, жакырчылык, кылмышка байланыштуу сүрөттөрдү тартышат.
Сүрөтчүлөр өздөрүнүн ар бир эмгеги жашоочуларды шаарга карата жоопкерчиликке жана сүйүүгө үйрөтүүсүн каалашат.
Авторлор: Зияра Асылбекова, Сезим Каныбекова