Кыргызстандык спортчу Юлия Андреева 42 километр классикалык жарышын 59чу болуп аяктады. Марафонго жалпысынан 156 спортчу катышкан, алардын ичинен үчөө кыргызстандык.
Кыргызстандык Юлия Андреева марафон жарышында 59-орунду камсыздады.
42 километр 195 метр аралыктагы бул жарышка 156 спортчу катышкан, анын ичинде үч кыргызстандык да бар. Алар:Юлия Андреева, Мария Коробицкая жана Виктория Полюдина.
Риодогу оюн үчүнчүсү болуп эсептелген Андреева, 2 саат 40 мүнөт 34 секунд жыйынтыгын көрсөтө алды.
Жарыштын башында шашылбаган спортчу 108-орунда келе жаткан. Акырындап ылдамдыгын көбөйтүп, 90-болууга жетишкен. Андан кийин дагы ылдамданып, жеңиш марасында 59-орунду камсыздай алды.
Виктория Полюдина 2 саат 41 мүнөт 37 секунд көрсөткүчү менен 62чи болуп келди. Ал эми Мария Коробицкая, жыйынтык рейтингинде 94 орунду ээлеп, 2 саат 47 мүнөт 53 секунд убактысын орнотту.
Алтын байгени кениялык спортчу Джемина Сумсон багындырып, анын убактысы — 2 саат 24 мүнөт 4 секундду түздү. Жеңүүчүдөн 9 секундга артта калган бахрейндик Юнис Кирва 2-орунду камсыздаса, 3-орун 2 саат 24 мүнөт 30 секунд убактысын көрсөткөн эфиопиялык Маре Дибабага ыйгарылды.
