Ош облусунун Алайку өрөөнүндө өткөрүлгөн этнофестивалга эки миңден ашуун киши катышты. Салтанатка чет элдиктер да күбө болушту.
![](https://ky.kloop.asia/wp-content/uploads/sites/6/2018/05/alaiku_25-1.jpg)
![](https://ky.kloop.asia/wp-content/uploads/sites/6/2018/05/alaiku_1.jpg)
![](https://ky.kloop.asia/wp-content/uploads/sites/6/2018/05/alaiku_13.jpg)
![](https://ky.kloop.asia/wp-content/uploads/sites/6/2018/05/alaiku_22.jpg)
![](https://ky.kloop.asia/wp-content/uploads/sites/6/2018/05/alaiku_12.jpg)
Кара-Кулжа районундагы Алайку өрөөнүндө 5-майда өткөн этнофестивалга кыргызстандыктардан сырткары, Франциядан, Испаниядан, Сингапурдан, Америкадан, Германиядан, Якутиядан, Таиланддан жана Орусиядан туристтер келишкен.
![](https://ky.kloop.asia/wp-content/uploads/sites/6/2018/05/alaiku_17.jpg)
![](https://ky.kloop.asia/wp-content/uploads/sites/6/2018/05/alaiku_19.jpg)
![](https://ky.kloop.asia/wp-content/uploads/sites/6/2018/05/alaiku_11.jpg)
![](https://ky.kloop.asia/wp-content/uploads/sites/6/2018/05/alaiku_9.jpg)
Уюштуруучулардын бири Айжаркын Эркинбек кызынын айтымында, фестиваль үчүн Алайкунун Сай-Талаа айылында 22 боз үй тигилди.
«Кыргыздын салттык жөрөлгө, нукура кооздоолору менен таанышуусуна шарт түзөлү деп туристтерди боз үйлөргө түнөттүк. Ысык-Көлдөн да ички жасалга, улуттук буюмдары менен кошо төрт боз үй алдырганбыз», — дейт уюштуруучу.
![](https://ky.kloop.asia/wp-content/uploads/sites/6/2018/05/alaiku_8.jpg)
![](https://ky.kloop.asia/wp-content/uploads/sites/6/2018/05/alaiku_4.jpg)
Фестивалда улуттук оюндардын сегиз түрү: көк бөрү, эр эңиш, жорго жарыш, ат жарыш, кыз куумай, аркан тартыш, бука тартыш, күрөш боюнча мелдеш өтүп, байгеге акчалай сыйлыктар тапшырылды. Мындан сырткары улуттук жасалга, тамак-аш, аспаптар, кол эмгектер көргөзмөгө коюлду.
![](https://ky.kloop.asia/wp-content/uploads/sites/6/2018/05/alaiku_5.jpg)
![](https://ky.kloop.asia/wp-content/uploads/sites/6/2018/05/alaiku_6.jpg)
Иш-чара «Аймактарды өнүктүрүү жылынын» алкагында өткөрүлүп, максаты өлкөнүн түштүгүнө ички жана тышкы туристтерди тартуу болуп эсептелет. Уюштуруучулар бул фестиваль көчмөндөр цивилизациясын жайылтууга, даңазалоого шарт түзөт деген пикирде.
![](https://ky.kloop.asia/wp-content/uploads/sites/6/2018/05/alaiku_24.jpg)
![](https://ky.kloop.asia/wp-content/uploads/sites/6/2018/05/alaiku_20.jpg)
Сүрөттөрдүн автору: Майрамбек Таалайбек уулу