«Клооп Медиа» кышкы журналистика мектебине кабыл алууну баштады

«Клооп Медианын» Ош шаарындагы бюросу «Сорос-Кыргызстан» фондунун колдоосу менен иш алып барат.

«Клооп Медианын» онлайн журналистика мектеби — практика аркылуу билим алууга шарт түзгөн кайталангыс курстар.

Эмне үчүн «Клооптун» журналистика мектебин тандоо керек?

Биздин мектепте мультимедиалык журналистиканы үйрөнөсүң. Анда текст жазуудан тышкары фотосүрөт тартууну жана видео репортаждарды даярдоону өздөштүрүп, медиа мыйзамдар тууралуу маалымат ала аласың.

Андан тышкары журналисттик иликтөө жүргүзүү боюнча да сабактарды окуйсуң. Биздин гана мектепте сен окуунун биринчи жумасынан тарта респонденттен интервью ала аласың.

Жаңылыктарды жазуудан тышкары, өлкөдөгү маанилүү окуяларды жеринен чагылдыра аласың — ал үчүн биз керектүү ресурстар менен камсыздайбыз.

Күзгү журналистика мектебинин катышуучулары Айзирек Абдилазиз кызы менен Хамидулло Узаков интервью алуу учурунда

Сага мобилдик телефондон видео тартып, дүйнөгө түз эфирде чыгууну жана видео менен иштөөнү үйрөтөбүз.

Kloop.kg сайтындагы материалдардын авторлору — биздин мектептин катышуучулары. Алар мектепке келген күндөн тарта жаңылыктарды ири аудитория үчүн жаза алышат.

«Клооп Медианын» Ош шаарындагы кышкы журналистика мектеби 2019-жылдын 21-январында башталып, 19-апрелинде аяктайт. Ага Баткен, Жалал-Абад жана Ош облустарынын журналистикага кызыккан жашоочулары билдирме жөнөтө алышат. Жаш курагы боюнча чектөө коюлбайт.

Биздин студенттер даярдаган материалдардын бири:

Ош шаарындагы Төлөйкөн ат майданында маркум жазуучу Чыңгыз Айтматовдун 90 жылдыгына карата көк бөрү, ат чабыш жана эр эңиш боюнча Кыргызстандын чемпионаты болуп өттү. Ага өлкөнүн жети облусунун жана Бишкек, Ош шаарларынын курама командалары катышып, жалпы байге фонду 2 млн сомду түздү. Кененирээк окуу

Бирок эгерде жашың 18ге толо элек болсо, анда ата-энеңдин же асыроого алган кишинин уруксат кагазын толтуруп, [email protected] электрондук почтасына жибер (форманы бул жерден жүктөп алууга болот).

«Клооп Медиа» аймактан келген катышуучуларды төмөнкүлөр менен камсыз кылат:

• жол кире;

• бекер жатакана;

• стипендия.

Билдирменин негизинде 12 катышуучу журналистика мектебине тандалып алынат. Баарыңарга ийгилик каалайбыз!

Кошумча маалымат алуу үчүн:

Моб. тел:
+996 559 300 336 (WhatsApp);
+996 772 300 336

Электрондук дарек: [email protected]

Дарегибиз: Алиев көчөсү, 161А, Ош шаары, Кыргыз Республикасы

Кышкы журналистика мектебине катышуу үчүн төмөнкү онлайн билдирмени толтуруп жөнөтүү керек. Билдирмелер 2019-жылдын 14-январы, саат 18:00гө чейин кабыл алынат.