Бишкекте августтун орто ченинен баштап «Акчамат» терминалдары ишке кирген. Терминал аркылуу 30 секунд аралыгында акча каражатын карызга алуу мүмкүн эле. Ал үчүн насыя алуучу паспортун жана кол манжаларынын изин сканерлеши гана жетиштүү болгон. Кыска мөөнөттүү насыялар 10 күнгө чейин берилген.
Давно не был в ЦУМе. Внимание привлек терминал Акчамат. Мгновенные займы - сканируешь паспорт и палец, и... вуаля, 1000 сом на 10 дней (возврат 1300). Очередь внушительная, жаш балдар. Посмотрел локации в 2гис - беш сары, жил массивы. Это называется Predatory lending pic.twitter.com/enY8GGS6yu
— Samat (@donsimao) October 6, 2019
«Кыска мөөнөттүү насыялар — паспорт жана кол манжаларын сканерден өткөрөсүң … 10 күнгө 1000 сом, кайра 1300 [сом] кайтарасың. Кезек таң калаарлык — жаш балдар», — деп жазган твиттердин колдонуучуларынын бири.
Кыргызстандын Улуттук банкынын басма сөз кызматы терминалдар кредитти уруксат кагаздары жок берип жатканын билдиришти.
«Тийиштүү укук коргоо органдарына кайрылуу жөнөтүлдү. Анткени жарандардын жеке маалыматынын башка бирөөгө өтүп кетиши жана жоголушу боюнча кооптонуулар бар», — деп жазылган банктын пресс-релизинде.
Бишкек боюнча жалпысынан 12 терминал иштеп жаткан. Алардын үчөөнүн иши токтотулуп, калгандары «берилген карыздарды кайтаруу» абалында ишин улантууда. «Акчаматтардын» кызматын канча адам пайдаланганы азырынча белгисиз.
«Акчамат» компаниясынын байланыш бөлүмүнөн терминалдардын иши токтотулганын тастыкташты. Бирок кеңири маалымат берүүнү каалашкан жок.
