Тышкы иштер министринин орун басары Нуран Ниязалиев маалымдагандай, чет өлкөдө коронавируска чалдыккан 23 кыргызстандык бар.
Ал Кыргызстандын башка өлкөлөрдөгү элчиликтери менен консулдуктары жарандар менен дайыма байланышта болуп атканын кошумчалады.
COVID-19га чалдыккан жети кыргызстандык Пакистанда. Дагы төртөө Малайзияда, алардын бирөөсү сакайып, ооруканадан чыккан. Дагы үч жаран БАЭде, бирөө Индияда жана дагы бири Испанияда үй карантининде.
Ниязалиев 6-апрелде Кыргызстанга Екатеринбургдан 17 кыргызстандык учуп келген чартердик рейс конгонун эске салды. Алардын төртөөсүндө экспресс-тесттер коронавирустун оң жыйынтыгын аныктаган.
Мындан тышкары, АКШдагы сегиз кыргызстандыкта коронавирустук инфекцияга байланыштуу шек бар. Алар үйдө дарыгерлердин байкоосунда жатышат.
