Саламаттык сактоо министринин орун басары Нурболот Үсөнбаев Кыргызстанда коронавирустан дагы 16 бейтап айыгып ооруканадан чыгарылганын маалымдады. Бишкекте дарыланган төрт жана Жалал-Абад облусундагы он эки бейтаптын кайталап жасалган анализдери терс жыйынтык көрсөтөн.
Ушуну менен Кыргызстанда жалпысынан 130 адам өпкө илдетинен айыкты.
Ал эми 18-апрелге карата Кыргызстанда коронавирустун жаңы 17 учуру катталды — жалпысынан 506 учур. Ооруканаларда 371 адам жатат — алардын он экиси оор абалда. Оорукананын жандандыруу бөлүмүнө алты бейтап которулду.
