![](https://ky.kloop.asia/wp-content/uploads/sites/6/2020/05/vypisannyj-ded.jpg)
Саламаттык сактоо министринин орун басары Нурболот Үсөнбаев 10-майдагы брифингде өткөн суткада коронавирус жуктурган дагы 17 бейтап айыкканын кабарлады. Алардын ичинде он медкызматкер бар.
Бишкек шаарында — 7, Ош шаарында — 5, Нарын облусунда — 4 жана Жалал-Абад облусунда бир бейтаптын кайталап алынган анализдери терс жыйынтык көрсөткөн.
Ушуну менен коронавирус жуктуруп айыккан бейтаптардын саны 675ке жетти — алардын арасында 176 медкызматкер бар.
Кыргызстанда 10-майга карата коронавирустун жалпы 1002 учуру катталды. Бүгүнкү күндө ооруканаларда 260 адам жатат — алардын төртөөсү оорукананын жандандыруу бөлүмүндө.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.