Коронавирустан дагы 13 бейтап айыгып, ооруканадан чыгарылды. Бул тууралуу Саламаттык сактоо министринин орун басары Нурболот Үсөнбаев 11-майдагы брифингде маалымдады.
Бишкек шаарында он бир, Нарын облусунда эки бейтап ооруканадан чыгарылды.
Ушуну менен коронавирустан айыккандардын саны 688ге жетти — бул ооруга чалдыккандардын дээрлик 68 пайызын түзөт.
Кыргызстанда 11-майга карата коронавирустун жаңы 14 учуру катталды — жалпысынан 1016 учур. Ооруканаларда 316 адам жатат — алардын тогузу оор абалда. Оорукананын жандандыруу бөлүмүндө төрт бейтап калууда.
Маанилүү окуялардан артта калбаш үчүн «Клооптун» жаңылыктарын Фейсбук, Телеграм, WhatsApp, Инстаграм, Твиттер жана Одноклассникиден да окуңуз.
