![](https://ky.kloop.asia/wp-content/uploads/sites/6/2020/06/prezident.jpg)
Президент Сооронбай Жээнбеков 11-июнда Ош облусунун Араван районуна барып, жашылча-жемиш өстүргөн фермердик чарбанын иши менен таанышты.
Мамлекет башчысы менен дыйкан кол алышып учурашуунун ордуна муштумдарын тийгизип саламдашты. Ошондой эле Жээнбеков иш сапарында беткапсыз жүрдү.
Кыргызстанда коронавирус пандемиясынан улам санитардык-карантиндик режим сакталууга тийиш. Ал эми Саламаттык сактоо министрлиги кишилердин бири-бири менен кол алышып, кучакташып учурашуусун сунуштабайт. Анын ордуна коомдук жайларда социалдык аралыкты сактоо керектиги эскертилип келет.
Саламаттык сактоо министрдинин орун басары Нурболот Үсөнбаев 12-июндагы брифингде беткап режими дагы деле күчүндө экенин баса белгиледи.
12-июнга карата Кыргызстан боюнча 2166 кишиге коронавирус жугуп, 1668 бейтап айыкты. 26 киши каза болду.